影片
更多
2008-11-17
虽然我唔太钟意食放题，嫌好似要迫自己一次食好多野咁，但我男友钟意，而且今次食lunch, 仲有一段时间可以俾自己消化，就算啦。好彩，今次的放题食得我好开心。首先讲环境 - 呢度既环境唔错，较阔落，同隔离枱有返段合理距离，有返多d privacy....虽然我地坐果枱隔离系班八婆，但我地都唔觉得好受滋扰。 -- 可能女仔对食的环境要求会高少少，我觉得食放题除左要抵食，个环境都好紧要。其次讲上菜速度 - 呢度上菜既速度好快，完全冇漏单，可以你临食之前先叫，唔使怕佢有排都唔到而叫定一大堆咁。跟住就系重点 - 登登登登~~~!!!! 野食啦！太公有以下推介：1. 鱼生 - 虽然鱼生款式唔多，但基本的三文鱼、吞拿鱼、甜虾、墨鱼、八爪鱼、"鱼立"鱼，𫠒红鱼都有；虽然唔系d绝佳之选，\算得上系"好"既水准 (好多地方我比 "中上"架咋); 三文鱼同𫠒红鱼更系好好；吞拿鱼一般左d, 而佢的甜蛋....恐怕系成碟鱼生中最唔好食的，蛋味不够浓，我整果d好食好多，千祈唔好叫。(同埋佢切的厚度系刚刚好，唔太厚又唔太薄，食到个鲜味的)2. 烧物 - 佢个蒜片烧西冷系劲正，连我呢d唔太钟意食牛既人都觉得好味；生熟
好彩，今次的放题食得我好开心。
首先讲环境 - 呢度既环境唔错，较阔落，同隔离枱有返段合理距离，有返多d privacy....虽然我地坐果枱隔离系班八婆，但我地都唔觉得好受滋扰。 -- 可能女仔对食的环境要求会高少少，我觉得食放题除左要抵食，个环境都好紧要。
其次讲上菜速度 - 呢度上菜既速度好快，完全冇漏单，可以你临食之前先叫，唔使怕佢有排都唔到而叫定一大堆咁。
跟住就系重点 - 登登登登~~~!!!! 野食啦！太公有以下推介：
1. 鱼生 - 虽然鱼生款式唔多，但基本的三文鱼、吞拿鱼、甜虾、墨鱼、八爪鱼、"鱼立"鱼，𫠒红鱼都有；虽然唔系d绝佳之选，\算得上系"好"既水准 (好多地方我比 "中上"架咋); 三文鱼同𫠒红鱼更系好好；吞拿鱼一般左d, 而佢的甜蛋....恐怕系成碟鱼生中最唔好食的，蛋味不够浓，我整果d好食好多，千祈唔好叫。(同埋佢切的厚度系刚刚好，唔太厚又唔太薄，食到个鲜味的)
2. 烧物 - 佢个蒜片烧西冷系劲正，连我呢d唔太钟意食牛既人都觉得好味；生熟刚好，咬落去好有肉汁；另外，佢个烧鲭鱼都好好，唔干。烧青口都ok, 不过有沙律酱在上面，有d漏。个薄片牛肉就差少少，d牛肉系好一般的肥牛做，嗜牛肉者，不如吃蒜片烧西冷好过。
3. 炸物 -- 其实佢d天妇罗好ok，一来新鲜送上，用料又新鲜 (特别系炸虾)，而且个浆好好味；虽然睇落好似有d厚，但食落好松化，同d料配得刚好，完全唔觉厚。仲有，会俾埋萝卜蓉俾你配天妇罗汁食，方便消滞。
4. 料理 - 由于我地主攻鱼生同烧物，料理叫得唔多，只系叫左个章鱼小丸子同大阪烧饼；其实做得唔差的，特别系章鱼小丸子，好有质素。而且唔系话见你叫d饱肚野就成大件送黎你度，个size都算reasonable的。之始终呢d都系饱肚食物，如果你只系两、三个人黎帮衬，就最好食返少d, 二选其一我觉得章鱼小丸子系可以轻尝一粒之选
至于寿司/ 手卷呢.... 我地冇食寿司，男友食左吞拿鱼腩手卷；手卷就唔多ok, 最出事的系紫菜，太淋；同埋个𩠌比例太少。
要数成个lunch最差的，其实系佢最后埋单时送上的甜品 - cheesecake (应该系new york)......佢整果时，放左太多鱼胶粉落果d软芝士入面，搅到成个cake芝士味不足，口感又似啫哩，好怪！如果下次有机会食，先问下佢个甜品系咩，如果系cheesecake, 不吃也罢 - 虽然唔使钱，但都唔好浪费食物。
我男朋友嫌呢度冇得任叫汽水饮；我反而冇咩所谓，食日本野原本就唔系配汽水食的，况且一罐汽水咁肥，我只可以俾呢个"一日一罐"的quota俾我最爱的"沙示"汽水，要不就系d无糖coka cola...不过呢两样，通常有得任饮的地方都唔会有。
整体黎讲，我觉得呢度系唔错的一个放题选择，佢整得好用心，d食野同个环境出黎的效果系一d较高级日式料理的质素；莫讲话午市只需$148(加埋一百六蚊度), 就算晚市要差唔多$200, 我都觉得抵 - 虽然，我强烈建议食午市， -- 始终年纪唔细，仲夜妈妈食咁多野，好易肥的....
张贴
