村爺爺車仔麵 (已搬遷) 新店位置

原本想去试村爷爷龙虾泡饭，去到见到排队条人龙长到转哂弯，真系唔想排，所以转战村爷爷车仔面，反正都系有龙虾汤。龙虾伊面，汤底龙虾味浓，配伊面根本就系绝配，半只龙虾都算大只，食店有提供拆龙虾嘅钳同湿纸巾，非常贴心。可惜，店内不停播介绍食店嘅访问，当提到龙虾汤系用咗大量龙虾壳去煲，所以特别浓味，但我即刻谂，大量龙虾壳喺边度揾，即时觉得好惊。 由于叫$58龙虾伊面一定最少加多两样𩠌，牛筋冧又入味，牛肋条就普通。一碗车仔面要$80，抵唔抵就见仁见智啦。