十二味 (LADDER Dundas) (已結業)

今日可以嚟到自己其中一个最钟意食嘅酸菜鱼餐厅食饭，佢嘅酸菜鱼实在值得推介！酸菜鱼果然鱼如其名，真系好味到人见人爱！呢个酸菜鱼嘅味道麻辣够味之余都相当平衡，再加埋带有少少微酸，唔会太重口味嘅，同时又食得出唔同味道！今次叫埋有宽粉嘅版本，吸晒酸菜鱼汤汁嘅精华，食落淡淡香口！而且佢亦都有唔同配料，例如笋、鸡髀菇，样样都吸收晒汤汁嘅酸菜鱼香！最后梗系呢度嘅主角 - 鱼！鱼片唔单止肉质嫩滑，更加大大块，配埋白饭食真系一流！酸辣土豆丝呢一味系我自己一个人最钟意食嘅小菜，虽然好似好简单平凡，但系炒出嚟镬气十足，热辣辣嘅温度，配上微微酸辣嘅土豆丝，作为配菜真系一流！红糖糍粑呢个甜品绝对值得推介！虽然系热食，但系作为甜品绝对出色！外表微脆，内里烟韧，口感十足，配埋红糖浆更是甜美可口！冻柚子茶大大杯又抵饮既解辣精选！总括而言，作为一间连锁店，可以保持到咁高质素嘅酸菜鱼水平，实在值得推介！