泓一拉麵

营业中

休息中

食完其他拉面后，念念不忘泓一既味道，今日又走来食佢，试佢第三款拉面地鸡盐味拉面。🐻今日温度骤降，铺头都校暖左仲有少少焗，不过都无阻我食面既决心。碗面来到摸一摸个碗，相当有热度，可以系寒冷既天气维持汤既温度，值得一赞。食面前饮啖汤系基本，一饮就感到浓缩既鸡味夹杂少少调味，盐同鸡味混合得相当好。不过个面就有啲太淋，唔够咬口。其他配料都好出色，系叉烧上既黑椒过强烈，破坏左汤底既清新，食流心蛋都要小心，唔可以滴啲蛋汁落汤到。例牌叫多个替玉，要求硬身啲，净面食落麦味唔强烈，适合盐味汤底，果然无叫错。食到最后，个碗依然微暖，细心之处令人感动，期待下次再到访