Sweets House Cha Cha

营业中

休息中

好耐之前已经听过人话呢间d抹茶甜品好好食，呢日放工经过海港城又有d肚饿，于是专登去买嚟食。既然抹茶最出名，当然要由抹茶嘅甜点试起。间店分为三部分，一间卖雪糕，一间卖泡芙，一间卖大判烧。落咗单要去收银台俾钱先。海港城好多游客，所以可能要排队等一阵，去雪糕𠮶边俾八达通就快啲。呢日买咗个抹茶吉士红豆大判烧，拎上手暖但唔热。入面嘅抹茶吉士好幼滑好有茶味，唔会太甜，不过我觉得唔系好够红豆，对嗜甜嘅我嚟讲有啲不足。可能因为我𠮶日一路食一路喺街上行去搭车，所以有啲食而不知其味。几日后自己一个放工又肚饿，于是谂住再去买大判烧同泡芙做晚餐。晚餐只食甜品怪怪地，于是买咗个芝士火腿大判烧。拎上手仲系热辣辣！咬第一啖未啖到入心，再咬就食到好香浓拉到丝嘅芝士！大判烧个皮仲加咗黑椒，食落更加惹味！火腿就食唔出特别，不过成个配搭都好match！食完晚餐再买多个甜品：吉士泡芙！唔同大判烧，泡芙拎上手冻嘅，咬落口个皮几脆，入面注满用云尼拿籽做嘅吉士，香甜幼滑，加埋脆脆嘅泡芙皮，口感好match！试咗三个产品，觉得泡芙系最好食嘅，下次要再试抹茶泡芙！