養心殿台式養生鍋 (已搬遷) 新店位置

睇饮食节目介绍台式火锅就见得多, 最为人熟悉既当然系麻辣火锅, 但有次经过呢坐大厦见有个大灯箱, 有间系食台式火锅, 除左大路既麻辣汤底外, 仲有几款特色锅底, 一于试下! 店内环境布置得几古色古香, 昏暗灯光加上播住好有"禅味"既纯音乐, 几特别, 特设二人枱, 枱边设有放食物架, 就算叫到一枱食物都唔怕无位摆! 出面有个酱汁自助吧, 一起来混酱吧............. 打开落单纸, 先选择想要既锅底, 总共有六款锅底; 火锅配料都唔少, 有D仲几有台湾特色, 另设有台式小食类(如甜不辣, 盐酥柯仔等) 未开始火锅可以先食呢D先! 最后比呢个名为"美人锅"($188)既锅底吸引住, 材料包括原只乌鸡,桃胶, 配以杞子, 南枣, 元肉及金南火腿等, 味道清甜, 滋阴补虚劳, 而桃胶含胶原蛋白, 食落口感似雪蛤膏, 饮完呢碗汤, 当堂觉得自己靓左...........哈! 食火锅当然唔少得一碟靓牛, 想叫既牛颈脊咁岩今晚无货, 改为叫呢碟上选美国安格斯肉眼肥牛 ($158), 一客份量都几多, 油脂分布都几平均, 切成薄片轻轻灼一灼就食得, 肉质几滑但肉味就无牛颈脊咁浓! 叫左呢款鹅