Angry Oppa Restaurant & Bar (已結業)

今晚约埋家姐去尖沙咀揾好野食，家姐话好耐冇食过韩国菜，所以就锁定目标去左金巴利道揾食，成条街韩国餐厅成行成市，搅到有选择困难，最终上openrice search下，就揾倒Angry Oppa 。时间虽然尚早，都见已经有几枱食客，餐厅装修简约，走年青人路线，餐厅播住韩国歌曲，好有韩feel😃呢度推介，迷你熔岩pizza，我同家姐都系芝士控，点会走宝😋迷你pizza真系好迷你😂但系唔好睇佢细细件，可以拉丝架🤗只虾爽口弹牙，中间夹左d应该系甜酱，同pizza饼底一齐食，味道好夹👍🏻👍🏻海鲜韭菜煎饼，呢个好大份抵食，煎饼周边煎得好香脆，中间就带小小烟靱，而且馅料丰富，每啖都食倒好香嘅韭菜同海鲜粒😋韩式泡菜汤，材料好丰富，浓郁汤入边有好多五花腩肉，高丽菜同埋大豆牙菜，如果唔系已经食到好饱，一定追加一份年糕放埋入去一齐食😅