譚仔三哥米線 (威靈頓街)

营业中

休息中

eat乜米线 | 中环纯粹念住顺应潮流，拜访一下中环三哥，点知食完唔小心由谭仔党转咗三哥党。今次主要想试分店限定嘅食物。先来麻辣串烧：一串辣蒜翠玉瓜、一串椒汁香草肥牛卷。讲真，卖相令我本身唔敢抱任何期望，但食落口非常有惊喜。尤其系辣蒜翠玉瓜，蒜蓉嘅份量足够，铺满翠玉瓜表面，连埋麻辣酱嘅味道，成件事好夹，好香口，有一种食过返寻味嘅感觉。至于米线，叫咗肥牛、墨鱼仔砂砂汤米线，小辣。不论配料定汤底都系中环店限定。先讲肥牛，坦白讲一定唔会系靓牛，但系好食过谭仔或者三哥本身嘅牛肉。同埋，我一直都觉得肥牛系好夹麻酸辣米线。另外，墨鱼仔冇腥味，口感爽脆，配合汤底嘅香辣，劲惹味。至于砂砂汤底，味道好似马来西亚喇沙沟埋本身麻辣汤嘅感觉，所以味道好丰富，好好味，令你食唔停口，非常值得一试。