鮨見 (已結業)

首先师傅会俾你喺759买到嘅湿纸巾，佢话寿司系要用手食！其实日本好多都系用手食，但系旧寿司唔会一攞上手就散咗！啲酱汁滴到成手都系！但系佢就冇比到第二张湿纸巾我哋！可能系因为呢轮好难买到湿纸巾！个前菜好似预备得唔系好够，佢刮咗个盒好耐先攞到两个前菜出嚟！感觉好似食埋啲冷饭菜汁咁！讲明系厨师拍板，当然系佢整乜你食乜啦！不过通常师傅都会问你有咩唔食嘅！可惜佢冇！仲讲到每一样野都系精心为我地整嘅！一次过就切晒所有嘅鱼生出嚟！乜唔系一路食佢一路切嘅咩？最神奇嘅系喺我哋侧边嘅情侣一路食一路影相，好enjoy咁！我同我老公都有啲觉得有问题嘅系我哋！明明啲鱼生好梅！个Wasabi又好牙膏！仲不停见到个师傅将啲嘢定来掟去！好多个黑人问号？？? 点解蓝鲸吞拿鱼要落黄芥辣？师傅话系佢独创㗎！我同我老公都大开眼界！大部份野都系焰烧左一半，师傅话要烧番啲油落去个饭度！讲到个饭底又系捞左好多酱汁，完全食唔到日本饭嘅甜味！食完个半熟生蚝我条👅仲好苦！本身好期待嘅海胆饭，见到师傅喺度不停咁刮啲海胆汁，我又真系唔系好想食！个鱼汤唔错，可惜只有两汤匙！我打开个碗𠮶阵时仲以为人哋已经饮左一半！我问我老公，佢话系呀！系得咁少