發記飯店

营业中

休息中

对上一次光顾已经系8年前，今日突然想坐街边食打冷同小菜，就念起屋企附近发记。真心推介鹅片拼盘，鹅肉大大份，味道刚刚好不会太咸，鹅肠爽脆而无油腥味（因为师傅去油去得好干净）。我贪心加$20拼多一份墨鱼，以为都系少少地，点知墨鱼份量多到食唔晒！大大份鹅片三拼都系$165，好味过果d所谓米芝莲潮州店多多声。然后，另一惊喜系酸辣汤。个人认为系最足料最朴实但好comforting。口味不会太辣令人食到标汗，作为开胃餐前汤就最合适！重点系入面除左有一般酸辣汤料外，仲有足料鸡丝、鲜虾等。我念住叫一碗，点知上菜时先发觉好大碗，个份量够三个人食！最后意犹未尽叫多个菜饭，都令人好impressed，因为个菜饭系用鸡油加蒜炒出来，香喷喷，唔系一般嘅味道。个菜饭嘅份量同酸辣汤一样，起码有普通家庭两碗半份量。个餐牌上面仲有好多其他嘢好想试，菜式个range都好大，心入面禁不住要赞赞个厨师。无奈得两个人叫唔到好多𩠌下次一定要试试其他。