北京水餃店

营业中

休息中

呢间食肆起码开十几廿年,但我都系第一次帮衬,原因就系我女友,佢话想食酸辣汤面。我睇食评见话呢度唔错,我就带我女友第一次去试。一坐低阿姐急急帮我落单,但因我俩第一次帮衬,唔熟地头所以睇清楚水牌先再叫。稍后我女友叫『酸辣汤年糕』,我就叫『雪菜水饺上海面』,并另外叫一杯冻豆浆。我女友碗『酸辣汤年糕』,佢话酸辣汤本身已经唔好味,所以佢觉得年糕都唔好味,佢食三份一碗已经弃权,我见到佢咁浪费想帮佢食,但因我唔太钟意食咁酸食物,加埋我碗面都好大碗,所以我都帮佢唔到。我碗『雪菜水饺上海面』ok , 但都唔系我杯茶,因为我一向对上菜面冇咩兴趣,主要系唔钟意上海水饺及馄饨皮厚,二来我唔钟意上海面线『雪菜水饺上海面』口感,不过以我一向唔会浪费性格,我都夹硬食哂成碗,除非真系好难食,我先会中途弃权。现场有一样超唔好,就系油烟味非常重,食完成身衣服一大阵异味,就算冇重要场合出席,身上衣服我谂著一阵都要再即洗。下次我都唔会再帮衬,因我最惊油烟味,加埋我一向对上海面冇味兴趣,但我食果碗『雪菜水饺上海面』,又未至于话难食,其实都ok !价钱都几贵下,一碗起码$22元起,仲系唔计饮品㖞!咁价钱我宁愿去食刀削面~