影片
更多
2019-04-29
2458 浏览
世衞建议成年人正常每日的钠摄取量，不多于2000毫克。我相信呢度一碗拉面已经超标。就拉面店而言，我觉得佢既服务同环境系好的。但系我今日食既呢碗黑蒜油拉面实在太重口味，咸到痴咗线，严重程度系：当场饮完汽水+1杯水，回家再忍唔住饮1公升水。第二日都仲有口渴的感觉。太可怕！［头盔：黑蒜油拉面，可能其他好淡口我唔知］好多人话「哗！门口有日式售票机」好特别唷～特别在于香港少见啫。间舖系有诚意既。但是日啱啱总数系101蚊。你话揾1蚊俾，定系俾一张大纸找返一大堆神沙先？落雨天要企响门外揾个1蚊出黎无疑就比较麻烦。入到去店员服务殷勤，马上企到门口迎接，拿走半边单据，下面去。同时枱面已经摆好餐具和水，值得一赞。餐具套写住「自由就是做想做的事!!过想过的生活!!」店内居然还播放著「人中之龙」游戏插曲等日系MV。感觉相当热血啊！讲返个黑蒜油拉面($83)首先，炸蒜系好味既，令成个面升华咗一大个层次。曲线亦都挂汤力十足，口感弹牙烟韧，富蛋香。碱水味是有的，但响可以接受的程度，最少冇「压」味。缺点是汤面头会火速凝固一层油，同时由于蒜味太多过于突出，令本身的汤头味道被抢。食落犹如硬生生啪晒蒸扇贝上的一大堆豉油蒜蓉
就拉面店而言，我觉得佢既服务同环境系好的。但系我今日食既呢碗黑蒜油拉面实在太重口味，咸到痴咗线，严重程度系：当场饮完汽水+1杯水，回家再忍唔住饮1公升水。第二日都仲有口渴的感觉。太可怕！
［头盔：黑蒜油拉面，可能其他好淡口我唔知］
好多人话「哗！门口有日式售票机」好特别唷～
特别在于香港少见啫。
间舖系有诚意既。
但是日啱啱总数系101蚊。
你话揾1蚊俾，定系俾一张大纸找返一大堆神沙先？
落雨天要企响门外揾个1蚊出黎无疑就比较麻烦。
入到去店员服务殷勤，马上企到门口迎接，拿走半边单据，下面去。
同时枱面已经摆好餐具和水，值得一赞。
餐具套写住「自由就是做想做的事!!过想过的生活!!」
店内居然还播放著「人中之龙」游戏插曲等日系MV。
感觉相当热血啊！
讲返个黑蒜油拉面($83)
首先，炸蒜系好味既，
令成个面升华咗一大个层次。
曲线亦都挂汤力十足，口感弹牙烟韧，富蛋香。
碱水味是有的，但响可以接受的程度，最少冇「压」味。
缺点是汤面头会火速凝固一层油，
同时由于蒜味太多过于突出，令本身的汤头味道被抢。
食落犹如硬生生啪晒蒸扇贝上的一大堆豉油蒜蓉般。
原本是「少食多滋味」既存在，
变成依家多得滞，冇咗个平衡，本末倒置咗
平时食面一定会饮汤至一滴不剩的我，
今日无办法饮晒呢个汤，
食完出黎仲要即时啪返粒香口胶。
再讲下配料
有两块叉烧，肥美，肉嫩，酱腌得宜，
缺点是肉和脂肪本身已经有点分离，不完整。
切片既时候已经整到散散地。
味道合格，外貌唔合格。
笋和溏心蛋都整得好食。
切开蛋系有蛋汁缓缓流出。赞！
静冈抹茶可乐($18)
抹茶味就冇乜，淡色可乐(多汽)一枝，味道还可以，甜度可以接受。
总结
虽然呢间拉面我食完口渴咗一日，但无疑味道唔系差，只系重手得滞。服务亦佳，感受到佢既诚意同一腔热血，我会俾多次机会佢。下次带朋友黎食，叫佢食黑蒜油拉面，然后我嗌其他。
张贴
