放牛牛 (已結業)

今日同女朋友出tst食晚饭，食完行街果阵咁岩就见到呢间放牛牛，女朋友话好得意好想试下㖞，跟住由于佢知我钟意食朱古力，我地就叫左火牛牛黎下。点知呢只「火牛牛」真系食到我火都黎埋。头先个棉花糖都算ok嘅，正常味咁。之后问题就黎喇，我未开始食啲雪糕就开始溶，今晚仲要好凉爽，好难想像迟啲三十几度呢只「火牛牛」会点，系咪一出门口即溶先。啲雪糕食落真心唔知讲咩好，仲差过雀巢呀大佬。我俾42蚊你俾啲仲差过十蚊杯雀巢嘅雪糕我食，好差啫。。。跟住呢只「火牛牛」仲有啲急冻左嘅士多啤梨同朱古力饼粒做配料，啲急冻左嘅士多啤梨真系好野，可以完全无味，好似食紧啲有一点点酸味嘅冰咁，但系佢无冰咁冻㖞，跟住啲朱古力饼粒，难食到呢!!!佢又淋又无咩朱古力味，我真系o左，我都唔知俾咩反应。呢只「火牛牛」我地食到一半就掉左，因为真系顶唔住，其实我觉得呢间野改「火牛牛」呢个名真系改得妙，食完保证你都会变一只真正嘅「火牛牛」。(即系咁样，>>>>>)。