米走雞Live

营业中

休息中

因为大肚，最近我好想食麻辣鸡煲，我个老公就带我嚟呢间观塘嘅米走鸡，为咗满足我同BB嘅胃口，我老公梗系叫佢哋嘅火焰麻辣鸡煲，佢哋嘅招牌菜。上菜个阵，店员会加少少酒点火，正如其名「火焰麻辣鸡煲」😆 鸡肉经过腌制后，变得鲜嫩多汁，配上佢地特制嘅麻辣调料，食咗每一口都好爽辣，但唔会辣到好辛苦个种，食到我真系好满足，肚里边个BB都感觉都系里边跳舞😂 钟意食麻辣嘅你，一定要试试！我哋仲叫咗「西班牙黑豚肉」同埋「沙白蚬」。佢哋卑嘅西班牙黑豚肉嘅份量好有诚意，肉质红润，肥瘦适中，雪花状纹理，食落去口感肉嫩但唔难咬，好食！沙白蚬份量也很多，我大肚唔想食，所以我老公自己一个人食晒😂 我老公话个个蚬嘅肉都好大下，好新鲜好鲜甜，而且处理到好干净，唔会食到沙。仲有那个【蒜拍青瓜】，我自己一个人食晒😆因为真系会食唔停嘅，一口接住一口食。个青瓜腌咗食到好爽口，酸酸辣辣咁，仲带D蒜味，但系要小心，唔好食到辣椒籽，好辣😂我就系唔小心食到。今次真系食到我同我老公都好满足，食到好饱。