影片
更多
2024-10-13
548 浏览
睇过泰山介绍好似好正咁就满心期待走去食，坐低有个女职员走埋嚟介绍新出咗个包同推荐鸡翼，然后就话要自己去counter落order, 咁ok la。咦？唔系㖞，10% service charge㖞⋯⋯睇个餐牌价钱唔算特别平，有好多都好特别、好吸引，所以就叫咗个signature牛扒芝士三文治（大概咁上下名）。啲食物嚟到我以为嗌错咗⋯⋯心入面嘅反应系：就咁㗎咋？百几蚊㖞！准备开始食连餐具都冇，系要叫个女职员先会有（可能以为我哋食三文治唔使餐具？）咁10% service charge系收咗喺推介食物𠮶度？块多士夹住好多芝士同块好薄嘅牛扒，虽然块多士好脆，但系成件事好滞，食几啖就想饮嘢。讲开杯嘢饮，叫咗百香果梳打，冇任何Topping或特别嘅杯，好似茶餐厅加$10转特饮嘅feel，唔紧要，可能好好饮，唔系挂⋯⋯无味嘅⋯⋯朋友叫咗杯柠檬梳打，甜到不得了，又心谂：2杯嘢加埋百几蚊㖞，唔系啊嘛！Total 四百几蚊埋单，2个三文治+鸡翼+2杯嘢饮系食得好饱嘅，同埋唔系难食，但系感觉我用四百几蚊嚟食好少少嘅茶餐厅就觉得唔值。值得赞嘅系单骨鸡翼好味，好似值返少少。
睇个餐牌价钱唔算特别平，有好多都好特别、好吸引，所以就叫咗个signature牛扒芝士三文治（大概咁上下名）。啲食物嚟到我以为嗌错咗⋯⋯心入面嘅反应系：就咁㗎咋？百几蚊㖞！
准备开始食连餐具都冇，系要叫个女职员先会有（可能以为我哋食三文治唔使餐具？）咁10% service charge系收咗喺推介食物𠮶度？
块多士夹住好多芝士同块好薄嘅牛扒，虽然块多士好脆，但系成件事好滞，食几啖就想饮嘢。讲开杯嘢饮，叫咗百香果梳打，冇任何Topping或特别嘅杯，好似茶餐厅加$10转特饮嘅feel，唔紧要，可能好好饮，唔系挂⋯⋯无味嘅⋯⋯朋友叫咗杯柠檬梳打，甜到不得了，又心谂：2杯嘢加埋百几蚊㖞，唔系啊嘛！
Total 四百几蚊埋单，2个三文治+鸡翼+2杯嘢饮系食得好饱嘅，同埋唔系难食，但系感觉我用四百几蚊嚟食好少少嘅茶餐厅就觉得唔值。
值得赞嘅系单骨鸡翼好味，好似值返少少。
张贴
