Godiva Chocolatier (又一城) (已搬遷) 新店位置

知道左4月1日推出新口味白朱古力，仲有扭纹 (见到扭纹雪糕就好怀念当年7仔软雪糕😭)，已经急不及待 😍😍 吉吉本身都好喜欢Godiva黑朱味雪糕，因为味道够浓郁，软硬度又好，不软也不太硬，最开心系可以满足到久违了的软雪糕瘾！不过食黎食去都系单一味道，有时都觉得食到闷闷地... 讲返白朱味道；第一口，好sweet嘅感觉😍 以为淡戌戌，点知好浓郁，真系好似溶左嘅白朱咁。然后再一口黑朱，哗，又去返好浓郁带少许苦嘅黑朱味😍 一甜一苦，好鬼正呀！两者中和左大家，互补不足！话咁快食完，好想追加呀！寻日返工做到好辛苦，放工想开心下，即刻谂起Godiva雪糕，二话不说过左黎，果然无失望！开心哂👏👏👏估计如果净白朱，可能会软甜。或者要心情极差先去试😝😝