Godiva Chocolatier (又一城) (已搬遷) 新店位置

有同事離職，送咗Godiva$50禮券做散水餅咭，今日行過就諗住用咗佢啦~ 入到去發現多咗款咖啡奶昔，一向唔係好鍾意朱古力味我就諗住試吓呢款雖然買之前店員講咗會係比較甜，但比想像中都仲係甜好多咖啡味就淡淡地咁，比較似甜品多啲，螞蟻人又鍾意飲咖啡嘅應該會鍾意呢款

今日天氣轉涼，途經又一城巧合朋友贈送一張雪糕飲品券可以選擇雪糕或者朱古力飲品所以換了一杯熱朱古力🍫每一啖都係濃濃的朱古力可惜唔夠熱，大概只係䁔的温度令到一杯熱飲頓時失色不少

今次食咗嘅係Godiva x Kakao Friends 系列入面嘅黑巧克力軟雪糕x 獅子Ryan巧克力。 另外呢個系列仲有白桃軟雪糕 x Apeach白巧克力，同Ryan及Apeach造型設計的限定凍飲杯。 呢個系列最吸引人嘅地方當然係可愛嘅Ryan同Apeach，望住佢嘅外型已經覺得值得嘗試，再加上聯成出名製作巧克力及軟雪糕的Godiva，更加不能錯過。味道方面，軟雪糕非常滑，巧克力味濃郁。只可惜雪糕太甜，不是我期待的有苦澀味的黑巧克力，這點令我有少許失望。

GODIVA聯乘Kakao Friends合作推出期間限定系列，於九月初開售不久後便已經火速售罄，慶幸月尾已經強勢回歸，終於有機會一試。軟雪糕及朱古力凍飲都換上Kakao Friends主角——Ryan和Apeach的造型裝飾，即使並非其粉絲的我亦覺得精緻可愛。白桃雙重黑朱古力軟雪糕 ($55)黑朱古力軟雪糕一如既往軟滑濃郁；白桃味則相對較淡，質感近似雪葩比較清爽，認真細嚐之下帶有微微花香餘韻，不過始終朱古力味醇厚強勢得多，所以雙拼令白桃味顯得遜色亦無可厚非。50%黑朱古力凍飲 ($59)黑朱古力凍飲其實有72%或50%兩種濃度選擇，另外更有白桃白朱古力凍飲，杯頂分別都有Ryan或Apeach裝飾。可惜72%黑朱古力凍飲已經售罄，轉而選擇50%同樣香濃醇厚，不會過份甜膩而朱古力甘香亦溫和順口，當中更會嚐到不少朱古力碎。

最近拎到一張Godiva $50現金，有啲掛住Godiva雪糕🍦於是去咗又一城嗰度食我平時鍾意食雲呢拿加朱古力味嘅，不過佢呢排做緊promotion，新出左隻茶味雪糕，但係黎得Godiva點可以唔食朱古力架呢？所以我都係揀咗成杯朱古力味，而我朋友就揀咗一杯黑朱古力特飲。雪糕上面嗰塊朱古力唔似得餅譜嗰啲假朱古力咁淡而無味，非常好食！雪糕本身非常之Rich，明顯feel到落重料，好creamy好濃郁，好正！而且佢真係去到個cone底下都仲有雪糕，比足份量！美中不足之處可能係真係偏貴，所以唔會成日食，同埋佢隻味食食吓都開始會覺得單調，可能係因為我不嬲都鍾意食有朱古力碎嘅朱古力雪糕。所以我覺得孤獨人真係好驚喜！佢入面有好多朱古力碎，同埋因為一盒朱古力所以唔會太甜，但係又唔會好苦（我本身唔係話好鍾意食黑朱古力）所以食到最後反而覺得杯嘢飲好飲啲呢！

平時去GODIVA都係食軟雪糕或者買雪櫃入面啲朱古力。但今次試試包裝朱古力先喜出望外甜甜的牛奶朱古力包住椒鹽蝴蝶餅，甜甜咸咸非常夾。好似我喜歡吃的朱古力薯片🙈而餅乾食落非常脆口，沒有油膩嘅感覺。我諗我會買依款黎代替朱古力薯片。

咁啱呢一排做緊買一送一嘅推廣優惠，於是放工就同朋友過去嗰邊買咗個甜筒食。今次買咗雙層朱古力雪糕，原來雙層嘅意思係講香草加朱古力，咁樣叫雙層。我以為係講緊double嘅朱古力味，不過唔緊要啦。俾多次機會自己下次再食。

Godiva嘅朱古力雪糕我就食得多啦，朱古力味濃就不在話下啦，今次因為朋友送咗一張現金券嘅關係，於是試下佢嘅薄荷朱古力沙冰睇吓佢嘅飲品類味道如何啦。由於加咗薄荷，令佢嘅朱古力冇咁膩，幾鍾意佢呢一種清新嘅味道！佢嘅朱古力沙冰都係有好濃嘅朱古力味，飲到一半我覺得好飽啦，本身之後食晚餐都變到飽咗食唔落咁多啦，但如果你俾我揀雪糕定沙冰我一定會揀雪糕，味道會突出啲。

平日都食開黑巧克力雪糕，朱古力迷一定鐘意食，又濃又滑。今次想試下雙色（黑+白巧克力）。其實白巧克力味道係似濃牛奶，唔會好甜，都好好味。雙色反而冇咁溜，幾分鐘就消滅左😁

飯後諗住食d甜品，於是買左呢個雪糕。食落口感非常creamy, 順滑，一d冰粒感都無。同時朱古力味濃厚，使整個雪糕口感偏厚重。喜歡食高濃度朱古力的我，覺得可以接受，唔覺有苦澀味。同行的友人因偏好甜食，覺得呢個雪糕一般。價錢黎講我覺得偏貴，性價比不高。

2人行行過門口整返杯雪糕share先估唔到平日都會人山人海～有時食好嘢係要付出代價嘅～之前去朗豪坊嗰間～經常賣斷市～價錢確實偏高～但勝在朱古力真材實料～加上唔係度度有得食～所以要排隊都好多人想食叫咗杯醇黑體驗～黑巧克力味軟雪糕～配片裝72度或80度黑朱古力～二選一～簡直冇得頂～黑巧克力味脆筒餅脆～內層濃濃朱古力味雪糕～雪糕面配黑朱古力碎口感又多個層次～一啖咬落雪糕加脆筒簡直超夾～所以咁多人食都可以理解朱古力迷一定唔好錯過呀

Godiva is currently offering an exclusive offer of buy bulk chocolate 100g and free 100g offer to members between 13-15 Apr. I always prefer bulk chocolate rather than box set if the chocolates are consumed by yourself. This time I purchased truffles and the quality was the same and remained high. I recommended to try dark and salt truffles. For the milk one, it was a bit too sweet for me.Also, I had purchased some 72% chocolates for my friend as these one could keep longer time.

同朋友行又一城，兩個為食妹又出動啦行過見到原來呢頭有godiva喎狗衝入去食佢嘅雪糕本身想食朱古力，但愛好抹茶嘅我，最終都係揀左個雙色雪糕雪糕質地好好，軟而唔會勁快溶朱古力口味係皇牌，冇得輸，香濃而又唔太甜抹茶第一次試，嗯⋯麻麻地好多普通嘅甜品店個抹茶味仲濃過佢一句講晒：抹茶味唔夠濃就唔會係一個好味嘅抹茶雪糕而且亦冇茶香。唔係話難食，但真係抹茶就一般，下次都係食番朱古力算咁佢雪糕試加左塊朱古力係加分嘅，而且有d朱古力醬，如果食全個朱古力就滿分啦

Godiva icecream🍦🎀😶😚估唔到天氣咁凍雪糕都咁快融，拎上手唔夠十秒就開始滴🙈搞到未影得靚就要食左隻蝴蝶結先😂以前買一送一太多人排隊冇食到，終於等到少少優惠食hellokitty版雪糕啦😎

喜歡吃這𥚃的朱古力軟雪糕，因為朱古力味道濃郁，雪糕很幼滑😻 但精明消費的我絕不會常常吃，$50 一個單球雪糕！等於中午吃一個簡單午飯的價錢，不可能常常俾錢人賺！而且吃得多，肥了又要俾錢人幫我減肥，成件事真是完完全全不能接受😹😹😹不過，凡事總有例外👻 好像今天放平日假，啱啱做緊買一送一的優惠！我和媽媽一人一個雪糕😋😋😋 我當然吃朱古力雪糕😻😻😻，而媽媽不喜歡太濃朱古力味，選了朱古力和牛奶味雪糕👻😻😻😻🤩🤩🤩😋😋😋