龍拉麵 (已結業)

前日午餐时间系德政围落车，一落就见到呢间新开嘅拉面，大大个招牌非常eye catching，见到最平嘅「白龙」都系$68 比平时嘅拉面平少少就决定尝下鲜。去到个阵都坐满哂，系门口等左5-10分钟先入得，坐低就好快有得食。碗面一上枱，旧叉烧最吸引我，因为系啱啱烧起，仲见到面到有啲油脂泡沫，忍唔住就要食啖先。汤底同拉面都系合格质素唔算特出。溏心蛋我唔钟意全只蛋上，切开一半一眼就可以睇到溏心，视觉上吸引好多。但一碗面有一样突出都好够，由于块叉烧太正，我食完碗面再特登加$15食多块。