影片
更多
2012-01-14
159 浏览
本身都帮衬过好多次 ,但都受过唔少楼面气. 唔系俾面老板娘同老师傅啲汤水,我一早写咗劣评,但今次实在忍唔到. 奉劝各位,好汤水其他地方都有,除非你好想受气,否则唔好拣呢间.话说年初有老友外地回港,佢想饮靓汤,本来唔拣呢间,但近太子, 就一就佢. 2个人就废事订位,谂住6点零去到,实有汤剩. 门口都有人排紧队, 都预咗要等. 见佢张纸有2枱等紧,咪好声好气问个大汉待应,大约等几耐, 佢好唔好老脾咁话" 你地等就等,咪X问咁多, 等几耐边话X到你听.". 无端端被人骂, 火都嚟, 想即时走. 但朋友话一场嚟到,忍下佢 食餐饭, 驶唔驶咁恶. 大庭广众,我忍佢唔出声. "我等,可唔可以留个螺头汤" "大把汤剩,唔驶留, 你等就出去等". 未食饭都成肚气, 但呢间都唔系第一次. 等咗廿几分钟,到我地. 点完菜后几分钟, 有个四眼待应话, 无晒螺头汤. 心谂"咁快无晒, 唔系嘛",咁转第二款. 四眼待应入去睇完再话,有啲卖晒,其他都有人订咗. 离晒谱, 我揾番头先个待应问, 佢居然话"而家人多, 个个都预早留汤,你唔一早打嚟问." 我己经好兴, 之前同班friend去食, 次次我都有打去留汤
本身都帮衬过好多次 ,但都受过唔少楼面气. 唔系俾面老板娘同老师傅啲汤水,我一早写咗劣评,但今次实在忍唔到. 奉劝各位,好汤水其他地方都有,除非你好想受气,否则唔好拣呢间.
话说年初有老友外地回港,佢想饮靓汤,本来唔拣呢间,但近太子, 就一就佢.
2个人就废事订位,谂住6点零去到,实有汤剩. 门口都有人排紧队, 都预咗要等. 见佢张纸有2枱等紧,咪好声好气问个大汉待应,大约等几耐, 佢好唔好老脾咁话" 你地等就等,咪X问咁多, 等几耐边话X到你听.". 无端端被人骂, 火都嚟, 想即时走. 但朋友话一场嚟到,忍下佢 食餐饭, 驶唔驶咁恶. 大庭广众,我忍佢唔出声. "我等,可唔可以留个螺头汤" "大把汤剩,唔驶留, 你等就出去等". 未食饭都成肚气, 但呢间都唔系第一次.
等咗廿几分钟,到我地. 点完菜后几分钟, 有个四眼待应话, 无晒螺头汤. 心谂"咁快无晒, 唔系嘛",咁转第二款. 四眼待应入去睇完再话,有啲卖晒,其他都有人订咗.
离晒谱, 我揾番头先个待应问, 佢居然话"而家人多, 个个都预早留汤,你唔一早打嚟问." 我己经好兴, 之前同班friend去食, 次次我都有打去留汤, 但去6次,佢留得3次. 仲要系你问多佢一次,佢有无留汤,佢话有. 当你点好晒菜后,佢覆你话无晒汤. 叫你转其他.
之后我再同佢骂.... 内容我都废事讲,啲𩠌有无加料我都唔知. 谂起都一肚气, 饮咩食咩都补唔番.
总之一句, 佢啲汤水系好, 但唔值得你要俾钱受气; 至于网友赞佢𠮶啲糯米饭, 生炒骨, 蛏子, 老实讲, 普通水准, 唔算突出. 大家系深水埗至太子, 油麻地老小炒, 水准都好过佢. 但服务态度更好.
张贴