759雲吞麵 (已結業)

一向都钟意去759阿信屋扫零食，又平又多选择系主要原因。所以一知道有759云呑面已经不断约朋友去试。呢度继承759零食平靓正既selling point，一碗单并$30，可以拣返759粉面 - 乌冬，米粉同芝士辣面。叫左碗牛腩芝士辣面用返阿信屋有得卖既芝士面，自己平时系同屋企都好钟意整，但唔知点解餐厅好似好食啲咁，都几浓芝士味，但亦都偏咸，食完好渴。牛腩都唔算少，而且肥肉唔多，亦都无咩筋，切出黎既大细啱啱好，食落去啖啖肉，值得一赞。因为碗面略嫌有啲咸，所以叫左杯冻奶茶少冰。都几大杯，可惜奶味过重，连极爱乳类制品既我都顶唔顺。饮完喉咙感觉唔太良好，而且偏甜，唔单止解唔到渴，反而好想揾杯水清一清。所以冻杯茶只饮了两口就放弃左。