街邊檔車仔麵 (已結業)

有一晚行开旺角, 又唔知食咩好, 行行下好想食车仔面, 但又唔知边间好味, 见到对面有一间食车仔面, 而我呢面又有一间, 十五十六咁, 于是本住搏一搏冇频扑精神, 就入左呢间度试!入到去地方几大几宽敞光, 十分光猛, 环境绝对比到我一种干净舒服感觉! 起初以为坐底先叫, 点知原来系叫左先坐底, 好有车仔面feel!于是叫左米线, 猪红, 猪皮, 猪肠同牛肚而友人就叫左红肠, 猪肠同牛肚右米粉!米线煮得几好, 唔硬唔太淋, 有口感好咬口; 猪红唔会一夹就碎, 味道都几好, 可以; 猪皮就麻麻地喇, 因为唔够爽口, 都算入味, 一般啦; 猪肠唔会太肥, 又唔会太韧, 味道唔错, 好味; 牛肚唔韧又够入味, 算中规中举可以啦; 至于红肠就普普通通啦, 冇咩惊喜! 汤底都几好, 唔会太咸太重味精, 再加少少辣汁就非常惹味!埋单贵, 四个都系$23, 抵! 都有惊喜架, 皆因车仔面旺角区做咁价钱有咁质素, 实在系食客之福, 绝对好过极之好多多声! 下次有机会一定会再黎!