靚靚 不一樣的車仔麵

营业中

休息中

同八姨打完牌都已经成9点，于是就顺个便去揾阿囡食埋宵夜先返归~为求快d食完返屋企睇妙手仁心，所以就去左阿囡夜校附近既小食店食少少就算坐低后我就叫左碗“酸辣鸡中翼油面”，汤底酸酸辣辣好开胃，食完碗麺成个人精神晒，鸡中翼好大只，肉多！麺嘅韧度好好。阿囡就叫左几样小食，当中既黑毛猪叉烧确系坚好食！甜甜地既叉烧汁，爽弹既质感，味道甜中带点炭烧般的香，很是滋味～而“红烧花胶扒”就软淋淋，红烧汁味道好正，荷兰豆好爽甜，口感嫩滑多汁又入味另外我都好钟意既就系呢只“黑松露煎蛋”，煎得微香的边皮及半生熟既状况就系我既最爱，加上真系有黑松露系蛋上，食时整个口腔都渗满浓浓的黑松露香，确是好味！咁上下我同阿囡亦叫左杯“冻百合莲子薏米茶”，饮到底底嘅时候可以见到好多莲子、百合、薏米，味道鲜甜食左肉后就食返少少菜先无咁大罪恶感所以仲叫埋腐乳通菜，通菜同腐乳喺分两边摆，睇个人口味要捞几多，腐乳味好香好浓，同通菜真系好match！