坤記粥店 (已結業)

因为我而家成日都好放先放工，返到天水围通常都得返好少食市未闩门，今次去到呢间粥店食野。 呢间粥店已经开左好耐，我细细个既时候已经见佢系度。 但以前就好少入去食，而家就多d。我叫左个皮蛋瘦肉粥同埋虾米肠。个皮蛋瘦肉粥个味道我觉得啱啱好，唔会太淡又唔会太咸。 而个粥食落又唔会太稀。佢都有几多皮蛋同瘦肉，我觉得呢个粥唔错既。个虾米肠我就觉得佢都几厚下，唔系好薄，好似食紧粉咁既。但系我本身个人好中意食粉类制品既，所以我觉得都还可以。 虾米唔多。我之前食过个炒面好好食架，因为我太晏去所以卖晒。佢个味道好香又唔会有好多豉油，又好平几蚊架咋！下次去会食返炒面。