影片
更多
2014-10-28
10741 浏览
最初 5 个人既晚餐，增加到 11 个，最后只得 8 个出席，真系风回路转呀 ﹗波幅劲过股市啦 ﹗好采只系叫左个 6 人餐啫，唔系又浪费食物喇 ﹗依个 6 人餐都非常丰富，菜单、环境都好鬼上海 ﹗不过似乎唔多够食，再加多 1 笼小笼包先，但最后结账时发觉前后加左 2 笼呢，侍应姐姐搞错左 ﹗即系前后共 3 笼小笼包，有 15 只啰。无有怕 ﹗有我系度唔洗惊食唔晒。红枣，餐前简单小吃，清淡既甜味，几好。无绉纹既红枣好奇怪，哈哈。面豉青豆牛展，好少见既小吃配搭，味道独持。青豆有面豉咸香，赵落爽脆湿润，好味呢 ﹗牛展就大路，无咩特别。苏浙汤包，个名都改得与别不同，即灌汤小笼包，其实做法同用料系咪有唔同呢？猪肉味香满、满泻既汤汁鲜甜味美，包皮厚薄得宜，跟黑醋同吃，几好味，虽然平凡，不过好满意，食多几只先，呵呵呵。黑鱼籽薰蛋，还以为系墨鱼籽添，黑鱼籽当然经贵好多啦。糖心蛋颜色卖相都一梳，烟薰味非常浓郁。一野成只啪入口够畅快，蛋黄味道较含蓄，要食到最后才散发淡淡甘香，可能因为烟薰味太浓及温度太冰冻。奇怪地，完全食唔到鱼籽既咸香鲜味啰。整体来说，烟薰味过呛，若配上椒盐就更能带出蛋黄既甘香，不过都好好
张贴
