俺流塩らーめん (東港城)

营业中

休息中

呢间拉面店啱开张时都想试，但见到条人龙真系即时吓到调头走。咁啱呢日放假，衬仲有时间可以叹个下午茶，就嚟睇下使唔使排队啦，好彩一嚟到就有位。一坐落，就先见到有张白纸餐纸盖住只水杯，果刻觉得怪怪地，睇完餐牌点餐后，时间过左好耐，我四围望好多人都好似我咁，所叫嘅野食仲未到，而门口亦开始有人龙，由三个人到有近二十人嘅人龙，最后我要等超过20分钟，我点嘅面先到，终于知道条人龙点解长期都咁长嘅原因。除左要等好耐先有得食之外，我所叫嘅系浓汤拉面，个汤底系够浓厚，而面嘅软硬度同我所点嘅都一样，但系食完呢碗拉面之后，就同朋友都觉得唔会再嚟。原因系呢个价钱要等嘅时间真系好耐，而好味嘅程度又未至于会再嚟，好彩冇加多个白饭，唔系就会觉得嘥钱。