新都會大酒樓 (已結業)

我啱啱系8/3/2008去同我阿爷庆祝生日，点知一肚气，佢o地到九点有做宵夜，因为我之前晚上7点打电话去订枱，佢o地话叫我9点到，到时会有位，同埋这时段会做宵夜及不设订枱，到9点，我屋企人先到去攞位，我坐系位就好奇问系唔系有宵夜做，然后d伙记就问个长发女服务生(应该系部长级之类，因为穿著西装制服)叫佢俾d宵夜纸俾我o地睇，点知个女部长就用好串的语气话"你o地唔系食晚饭咩，早知我唔俾咁大张枱俾你"，佢个样超黑人憎同黑面来同我讲(但我o地有5个人食饭，佢俾张12个人枱俾我)，我咪话佢，你之前带位又冇同我讲清楚宵夜定系晚饭，同埋我唔系一定食宵夜，我想拎来睇，之后，佢拎餐牌俾我个时唔系放系枱度，系好负气咁"pan"过o黎，我真系定唔顺，用粗口话佢，你咩野态度，之后，我点左6个𩠌(依6个𩠌里，我要左一个宵夜𩠌，因为宵夜𩠌系冇咩可以俾你选择)，我觉得好麻麻，买单5百几，但系食左一肚气。