三味真鍋 (裝修中)

继上年试过呢间任食后，今年再同朋友食，果然无投诉！无论男男女女 啲膏都多到泻😍😍10月中，蟹囡嘅膏系半硬半流沙状态，蟹囝亦系流沙膏之中开始有白膏🥰两者都完全满足晒我最钟意嘅膏状三味真锅除左有蟹任食，同时包埋火锅任饮任食，加几十蚊仲可以享用埋鸡煲，饮品方面亦有多款选择，有糖或无糖纸包饮品，汽水仲要系玻璃樽装😃啤酒 你以为得雪花 狮威？No no no, 系有齐嘉士伯，青岛同埋Asahi添，火锅价钱真系同朋友嚟吹水饮酒都抵最友好嘅地方系就算同一齐张枱有朋友唔食蟹都绝对无问题，因为系可以分开价钱计，唔会逼你一个食蟹就全枱收食蟹价！所以冇藉口话唔食蟹就唔join饭局啦😉😉同时想帮职员澄清下，两年都有食蟹，上年食繁忙时段，今年食尾段 第3场时间，但两次嘅服务态度都好好，keep住主动问要唔要上蟹，要公定乸，又叫我哋饮姜茶，又主动放低纸巾，完全冇黑面或不礼貌，非常好，期待出年再食，保持水准，价格都尽量保持！哈哈