影片
港铁观塘站 A1 出口, 步行约7分钟
继续阅读
电话号码
95557920
营业时间
*最後落單時間22：30
星期一至日
17:00 - 00:00
以上资料只供参考，请与餐厅确认详情
-
网上订座服务暂停
招牌菜
哇喂，今次去咗間店食鍋，正到爆炸！🍤 點了個海鮮餐，頭先聽落以為就咁咁啦，點知度到滿滿當當一大煲嘅精彩。一啲中辣「麻辣大辣」煲頂咗上來，已經聞到夠晒味，食落去真係勁夠辣勁夠味，辣得嚟不過癮，唔會辣到走晒龍嘅feel。唔止咁，我地全部海鮮都係新鮮非凡。🐚 有嘅蜆同帶子各有風味，帶子嘅鮮甜、海鮮餐嘅潤滑口感，真係單飛簌簌嘅。我食過最出色嘅係班馬尿蝦，大隻彈牙，味美肉甜，蝦膏咬落去正宗得滯，簡直係海鮮中嘅格拉梅！環境衛生都算係中上，服務員夠貼心，唔使刻意招呼已經夠晒貼心。👍 搞到我都想再次回味，唔錯喎！下次一定要帶多啲朋友去，叫個中辣嘗下真功夫喇！個餐廳，真係得嘅，會令你想再返去一試再試。
继续阅读
適逢大閘蟹季節，於網上討論區見到有人大讚這家的大閘蟹比其他酒樓的好，於是跟兩位友人透過OpenRice訂座。由於「餐廳」在街市的4樓，要經過三層街市的電梯，或許是平時鮮有到舊街市，路程的感官有震撼到我。4樓的某一邊是熟食中心，這家店在熟食中心的一個角落，用透明的膠簾子與外面隔開。如果可以忽視餐桌旁邊不停有髒水流出的坑渠，這個熟食店的環境尚算乾淨，使用即棄餐具，雖然很不環保但至少沒太大衛生問題。我不知道熟食中心原來可以食煙，對於非煙民的我們也不是一個attraction…. 兩個半小時任食火鍋及大閘蟹，加了味道非常濃烈的雞煲，也只是平均$500人頭。三個人總共order了4 round 大閘蟹，總共24隻，目測重三兩至三兩半。第三round 開始可以選公乸，order 幾分鐘內便上菜。兩位夥計都算好有禮貌。唔知係咪公大閘蟹質素比較差，朋友開到三隻公蟹都是黑色的，我主要食蟹乸，食咗兩隻蟹公，其中一隻啲肉都係霉的。每隻大閘蟹都多膏，但沒有香味，只能夠說一分錢一分貨。食了半份雞煲，時間所限也沒有食火鍋。共24隻大閘蟹，其中三隻半是死蟹，我們食得唔多，重量的可以一試。雖然不是一個很舒適的場合，食物亦都唔係高質素，但係可以同老友聚下舊都係不錯的回憶。
继续阅读
10月開始終於得到三味真鍋出大閘蟹放題啦，上年都食左2-3次，價錢又相對平，今次我16/10晚食8:45-11:15，2.5小時任食大閘蟹+火鍋，$428無加一一坐底幾分鐘就放低左蟹，每人一公一母蟹，頭2輪都係咁，第3輪就可以揀要公定母蟹，都係每次每人2隻，個晚9:30前都有幾枱客，但每次叫上蟹，吾洗5分鐘都出到蟹比我食，應該係蒸好哂係蒸爐，但熱辣辣既蟹好多膏，膏好靚，有膏味，特別係母蟹既膏仲靚，有軟+硬既膏，可惜我吾鐘意食硬膏，所以叫公蟹食多，公蟹都開始有白膏啦，當夜隻隻母蟹都好靚好爆膏，肉好鮮甜新鮮，公蟹就間中有啲吾算好爆膏，但都係好正有膏味，啖啖肉，不過現在當造係母蟹，母蟹既膏同肉都相對好食啲我一個女仔食左16隻，朋友話怕膽固醇高食得9隻姐，不過真心上蟹速度快，老板娘仲認得我，問我蟹好吾好食😋好有心不過火鍋就一般，叫左麻辣火鍋底，好咸吾辣🥲火鍋配菜都較少選擇，想食嘅萵筍都無，太可惜，但係淨食大閘蟹都好夠今年會再幫襯，到時又再寫食評支持下
继续阅读
繼上年試過呢間任食後，今年再同朋友食，果然無投訴！無論男男女女 啲膏都多到瀉😍😍10月中，蟹囡嘅膏係半硬半流沙狀態，蟹囝亦係流沙膏之中開始有白膏🥰兩者都完全滿足曬我最鍾意嘅膏狀三味真鍋除左有蟹任食，同時包埋火鍋任飲任食，加幾十蚊仲可以享用埋雞煲，飲品方面亦有多款選擇，有糖或無糖紙包飲品，汽水仲要係玻璃樽裝😃啤酒 你以為得雪花 獅威？No no no, 係有齊嘉士伯，青島同埋Asahi添，火鍋價錢真係同朋友嚟吹水飲酒都抵最友好嘅地方係就算同一齊張枱有朋友唔食蟹都絕對無問題，因為係可以分開價錢計，唔會逼你一個食蟹就全枱收食蟹價！所以冇藉口話唔食蟹就唔join飯局啦😉😉同時想幫職員澄清下，兩年都有食蟹，上年食繁忙時段，今年食尾段 第3場時間，但兩次嘅服務態度都好好，keep住主動問要唔要上蟹，要公定乸，又叫我哋飲薑茶，又主動放低紙巾，完全冇黑面或不禮貌，非常好，期待出年再食，保持水準，價格都盡量保持！哈哈
继续阅读
第二次光顧呢間火鍋店，食大閘蟹+火鍋套餐，但戴眼鏡女侍應態度惡劣，俾一盤大滾水客人洗手，問佢拎張紙巾係客客氣氣既，牽強地笑俾你睇，但隨即一野大力踢垃圾桶，擺明俾氣人受，令人仍有餘悸，個價錢唔係話特別平，而且環境都一般，地上有污水不斷流入廚房。大閘蟹質素參差，有好食既，但都有苦既，但可能十月頭，膏唔多。其實兩個人都成8百幾，9百，不如搵個環境好點，侍應態度好點既幫襯，強烈建議唔好幫襯，賠錢買難受……..
继续阅读