德興隆

营业中

休息中

上周末谂住去春央街街市买D料整泰菜，行经此处发觉这间豆腐老舖仲健在，二话不说就入去食碗豆腐花先。以前往呢度附近，由细食到大，大大话话都食左三十几年，净系睇墙上果张「随地吐氮的广告就知呢度好有历史」。来这里的都系街坊熟客仔多，因这里位于街市中间，门面几旧，加上无冷气，好难吸引倒时下年青人帮衬。叫了涷豆花同涷豆浆，自家制够新鲜，兼豆味浓郁；再来煎窝贴、猪肉包及牛肉包各一，窝贴底底脆卜卜，咬落有肉汁喷出，馅料亦鲜味，2蚊一只简直超值，个人觉得比众多新派京沪菜馆更好吃；猪肉包及牛肉包卖相完全不同，猪肉包四四方方而牛肉包是好似生煎包的，都好食；若然仲未够饱可以食馒头，两蚊一个大到吓人。食到饱一饱埋单只廿蚊左右，非常之平。呢度一带都系战前旧楼，真系唔知仲可以食几耐，经过可以一试。