葫蘆館 (已結業)

由佢未搬铺食到搬铺都食左几十碗，因为真系好好味～由读书食到拍拖再食到结埋婚，佢姜汁撞奶既质素都十年如一日地稳定，奶香好浓，可以叫多姜或者少姜～如果怕辣嘅，其实都可以叫碗少姜试一试！因为真系好好食⋯而个飞碟三文治都系十年如一日的味道～烘底芝士咸牛肉系每次都会食的！可惜唔记得影。顺带一提，呢间姜汁撞奶系即叫即撞，所以唔会有冻食选择～如果想食冻野嘅话就要叫炖蛋或者炖奶。但我觉得比起炖蛋或者炖奶，都系姜汁撞奶最好食。其他甜品就我自己认为唔需要试既，净系需要食个姜汁撞奶就得！