影片
更多
2024-09-05
8174 浏览
喺呢间米线开张第一日，本身系谂住去新蒲岗食原本𠮶一间豆花米线，去到发现执咗，而见到呢一间连招牌都未拆红纸，但见到入边有人就走去八卦睇吓，点知都系食豆花米线嘅，当日缘份嘅促使之下成为左佢开店第一台客人。然后因为味道好又再返去食，食完觉得水准keep到又再返去食，介绍啲朋友人哋觉得好食又约我返去食，都唔知食咗几多次喇。酸辣米线我比较推介，汤好味衬米线好适合。豆花米线其实都好正，但因为系捞嘅关系好多酱，食落比较滞。𩠌方面推介我的最爱菜式猪颈肉，新鲜烧起热辣辣脆卜卜，佢个泰式酱汁都好正，酸酸辣辣。猪软骨都唔错，系争少少啲软骨味道啫喱状态，同埋个味道比较柔和，系米线汤底之下未能够好突出。最爱加紫菜。，扫晒啲汤好惹味。麻辣炸鸡球都唔错，新鲜炸起算系食米线入面比较特别少见嘅一个配菜。鱼肉春卷同炸鱼腐，其实都系新鲜炸好香脆。，不过相对之下就冇咁特别啦。小食方面都食过百味豆腐同虾多士，两样都出色，尤其是包尾豆腐呢个价钱嚟讲十分之大份，好食又抵过酒楼食好多。炸韭菜饺都食过。，但就正路啦。饮品饮过冻柠益几特别，柠檬加益力多，酸酸甜甜好开胃，无喺第二度见过第一次喺度饮。之后都试过朱古力，其实几香浓都算出色。朋
酸辣米线我比较推介，汤好味衬米线好适合。豆花米线其实都好正，但因为系捞嘅关系好多酱，食落比较滞。
𩠌方面推介我的最爱菜式猪颈肉，新鲜烧起热辣辣脆卜卜，佢个泰式酱汁都好正，酸酸辣辣。猪软骨都唔错，系争少少啲软骨味道啫喱状态，同埋个味道比较柔和，系米线汤底之下未能够好突出。最爱加紫菜。，扫晒啲汤好惹味。麻辣炸鸡球都唔错，新鲜炸起算系食米线入面比较特别少见嘅一个配菜。鱼肉春卷同炸鱼腐，其实都系新鲜炸好香脆。，不过相对之下就冇咁特别啦。
小食方面都食过百味豆腐同虾多士，两样都出色，尤其是包尾豆腐呢个价钱嚟讲十分之大份，好食又抵过酒楼食好多。炸韭菜饺都食过。，但就正路啦。
饮品饮过冻柠益几特别，柠檬加益力多，酸酸甜甜好开胃，无喺第二度见过第一次喺度饮。之后都试过朱古力，其实几香浓都算出色。朋友就话奶茶唔错，但我就冇饮过喇。
附上其中几次食既图比大家参考下
不过座位真系有啲迫同唔好坐，同埋而家已经好多人食，平日食既话中午12:15左右要到，如果唔系好大机会要排15-20分钟。老板(男)第一次帮衬嘅时候见到，好有礼貌好welcoming，但而家楼面个女职员，可能加埋多客当外卖好忙啦，有时态度都一般🫢
张贴
