麗姐廚房

营业中

休息中

今日过了湾仔做嘢， 唔熟地头唔知有咩食所以揾地胆友人推介。。 佢竟然话食斋， 咩料呀， 不过佢系地头虫一于听佢介绍啦。佢带咗我去呢间「丽姐厨房」。 午市系50蚊一位，可以拣三样𩠌，而午市只有六款𩠌，所以我哋两个人啱啱叫晒所有嘅款式。白饭任装，汤又系任饮。所以一定食得饱！𩠌方面有斋鸡髀，其实豆腐皮做嘅！炸都好松脆！罗汉斋好入味！青菜好新鲜。另外茄子亦有大自然的味道。仲有好味道酸斋。最后有一味好似蒸蛋又好似蒸豆腐，我谂系豆腐扮蒸蛋。不过好好味。送饭一流哩餐又经济又好味又健康 ，整体感觉非常好！