研香

营业中

休息中

啱啱系尖沙咀食完饭就经过见到口厚福街呢间新开嘅甜品舖。以为闲日会比较少人，点知8点几去到都已经满左。好彩佢有得拣坐系入面嘅室外位置所以最后唔洗等就安排左比我地入座。室外嘅环境对比室内嘅装潢当然好似有啲对比，主要系因为佢系厕所嘅出入口附近，同埋比大厦围住，观感未必最好。但当日天气未算好热，而且室内嘅冷气都会飘都出黎所以都几舒服。如果你唔想等排队而温度系接受到，坐室外系唔错嘅选择。我地叫左呢到最出名嘅开心果糊，但可惜嘅系佢已经无得再独立叫，一定要加埋豆腐花。但食左之后就明白佢地嘅糊系比较浓厚，你会食到好足料同磨出黎嘅质感。所以食耐左都真系几饱几heavy，有豆腐花中和下的确唔错。友人叫左合桃露，食落都系一样咁出色嘅质素。但食得耐食落去喉咙会有种好甜嘅感觉。所以佢强烈推介之前食过腰果露。总括然而佢系一碗好饱肚嘅甜品。因为真系食得出佢个种磨制嘅质感，好厚身。建议唔好食太饱先过嚟食。同加豆腐花都会减轻到个种厚腻嘅感觉。