影片
更多
2016-01-01
721 浏览
2015年最后一日, 虽然都要系上班中度过.. 但点都要食餐好, 为呢一年画上圆满o既句号 (:早一日已经打左黎订位, 中午1:15即刻订到 ~平时虽然成日经过呢间日式烧肉店都闻到阵阵肉香但因为灯光昏暗, 又要上几级楼梯先睇得清楚店入面既情况感觉好神秘, 所以一直唔够胆入黎... 哈哈! 入面装修简约得黎充满时尚感, 同平时去开食日烧o既感觉好唔同..除左烧肉, 亦有供应一般既日式定食~拉面, 冷面同乌冬共有四款... 饭亦有四款不过入得黎都系想试烧肉~~所有烧肉套餐都跟汤, 沙律, 野菜同白饭一碗~ 哈哈..点解会强调白饭系一碗, 因为个人黎讲觉得碗饭唔太大, 稍为大食o既人, 或者男孩子可能会唔够食呢 ~呢度用既系似蚊香形状o既烧炉(同伊吕波一样~!) 好处系火力会均匀d~ 唔会将火力净系集中系中间落左单之后都等左一阵先有人招呼我地... 因为落单后店员要时间执返相应既食材出黎~再将食材进行调味, 到将食物捧上枱时已经准备好帮客人烧肉喇!!^^点解知道得咁清楚? 除左因为店面小小之外, 仲因为佢地有个半开放式既厨房, 店员既一举一动我地都睇得好清楚..睇佢地帮食物调味都觉得系一种享
早一日已经打左黎订位, 中午1:15即刻订到 ~
平时虽然成日经过呢间日式烧肉店都闻到阵阵肉香但因为灯光昏暗, 又要上几级楼梯先睇得清楚店入面既情况
感觉好神秘, 所以一直唔够胆入黎... 哈哈! 入面装修简约得黎充满时尚感, 同平时去开食日烧o既感觉好唔同..
除左烧肉, 亦有供应一般既日式定食~拉面, 冷面同乌冬共有四款... 饭亦有四款
不过入得黎都系想试烧肉~~
面豉汤
129 浏览
0 赞好
0 留言
麻酱沙律
85 浏览
0 赞好
0 留言
所有烧肉套餐都跟汤, 沙律, 野菜同白饭一碗~ 哈哈..点解会强调白饭系一碗, 因为个人黎讲觉得碗饭唔太大, 稍为大食o既人, 或者男孩子可能会唔够食呢 ~
呢度用既系似蚊香形状o既烧炉(同伊吕波一样~!) 好处系火力会均匀d~ 唔会将火力净系集中系中间
落左单之后都等左一阵先有人招呼我地... 因为落单后店员要时间执返相应既食材出黎~再将食材进行调味, 到将食物捧上枱时已经准备好帮客人烧肉喇!!^^
点解知道得咁清楚? 除左因为店面小小之外, 仲因为佢地有个半开放式既厨房, 店员既一举一动我地都睇得好清楚..睇佢地帮食物调味都觉得系一种享受 =D
Set B x 2 & Set D x 1
$568
51 浏览
0 赞好
0 留言
呢个Set包括: 椒盐牛胸脊, 椒盐霜降松阪猪, 牛油去骨鸡腿肉
加多一个商务二人餐Set D $298
盐葱牛舌, 椒盐牛胸脊, 椒盐牛肋条, 椒盐霜降松阪猪, 牛油去骨鸡腿肉, 一口鸡翼
Set B x 2 & Set D x 1
$568
50 浏览
0 赞好
0 留言
Set B x 2 & Set D x 1
$568
49 浏览
0 赞好
0 留言
配上猪肉慢慢渗透出黎o既油脂...调味唔会过浓或过淡, 好好味 !!
盐葱牛舌: 牛舌感觉比起平时食既薄切牛舌更加薄...所以烧牛舌时完全无反过黎烧! 加上牛舌上面有大量葱花 (根据店员资料, 即使系呢d葱花事前都用左几个钟黎处理辟味..)
好可惜...唔知系咪片牛舌太薄+太多葱花, 唔系好食到牛舌应有既甘香.....
翠玉瓜: (平时唔食翠玉瓜 ;P) 翠玉瓜切到好薄所以食落无乜瓜味~ 食之前再沾返店家提供既酱汁~ 就可以入口喇
一口鸡翼: 其实系单骨鸡翼~ 鸡肉好juicy, 外皮又够脆
牛油去骨鸡腿肉: 呢个系今餐既至爱! 鸡肉烧到够熟时先至沾烧到岩岩溶晒既牛油度~ 食之前已经闻到好香!! 鸡肉好厚滑够juicy, 大推介!
椒盐牛胸脊: 个人觉得呢款做得一般无惊喜
椒盐牛肋条: 呢个好珍贵! 因为每人得一粒架咋.... 因为店员对烧肉方法好有研究, 将牛肋条o既肉汁保存住..同时有筋o既部位都好易咬开, 一d都唔韧
鸡脾菇: 封锁住好丰富o既菇汁~~
青椒: (平时唔食青椒 ;D) 同松阪猪一样边位特别香脆! 食到重重o既椒盐味~不过青椒本身味道太强烈遮盖唔到..
粟米: 以香甜o既粟米作为成餐o既结尾 令人觉得好圆满 (:
呢度提供o既汁有柠檬汁同埋自家制o既酱油.. 根据店员所讲呢款自家制o既酱油有美容功效! 哈...店员边帮我地烧, 边介绍烧肉o既窍门, 呢餐都叫学到好多野呀 =P
题外话/补充资料：
午餐店员要有时间先会帮客人烧, 如果系最繁忙o既时间黎就可能要自己烧
而晚市就有足够o既人手帮每枱客人烧肉~
(以上食记乃用户个人意见 , 并不代表OpenRice之观点。)
张贴
