すき焼 森 (荷李活道) (已結業)

男朋友生日加上除夕，想带佢食得好一点。点知，不是好一点，系好很多。第一次到访此餐厅，从餐厅外面及内部装修感受到好浓厚嘅日本气息。一坐低店员就比餐牌我哋，餐牌基本上系只有一个餐，可以拣牛肉或者猪肉既Sukiyaki或者shabushabu。由于我哋两个都系Sukiyaki嘅超级爱好者，所以就跟着师傅嘅建议叫咗个牛，系近江牛黎既。师傅知道我哋第一次黎，都好用心介绍究竟第一次食啲咩好。连前菜师傅都同我地逐一讲解系乜野，同埋食既先后次序。跟住师傅开始煮牛肉及蔬菜仲跟个细饭俾我哋送牛肉。食Sukiyaki 必有既生鸡蛋我好怕食生嘅有浸腥味，但系呢度嘅鸡蛋完全冇腥味而且好滑。跟住有个面豉汤我稍为啲唔喜欢，因为佢有好重姜味，我饮唔到。但系最后嘅甜品系士多啤梨牛奶布甸同蕨饼都十分之满意，士多啤梨好香甜牛奶布甸好滑，两者加埋一齐食好满足。埋单都系七百几蚊一个人，价钱来讲相当相宜，我哋两个都饱住走。总结而言，师傅嘅用心同埋态度煮嘢食嘅认真同执着，其实令到成个用餐体验都加咗好多分所以呢个价钱食到正宗好味又服务态度好嘅餐厅真系好值得介绍俾大家。