Mr.O

营业中

休息中

一大班人聚，想拣间唔设用餐时限又可以坐得舒服嘅餐厅，就book 咗呢间了。离远见到餐厅已经好样眼，事关佢周围都挂满绿油油嘅树藤，入去仲有几个卡位鸟笼，气氛好舒服。最惊喜嘅系，食物都好食。浦烧鳗鱼玉子手工PIZZA $138：薄批，个边好脆，馒鱼好食，甜甜嘅馒鱼汁同芝士好夹。美国西冷牛扒配泰式柚子沙律 $168：西冷牛扒拣咗５成熟，煎得刚刚好，外脆内软，块扒有牛味，好食！加埋清新爽口嘅泰式柚子沙律，柚子嘅酸甜同牛肉嘅鲜味好搭配。蜜糖烧春鸡配薯条 $98：烧春鸡烧得香脆多汁，表皮扫上一层蜜糖，增添甜度同香气。炸薯条配黑松露蛋黄酱 $48：热辣辣脆卜卜，真系要趁热食。同埋配埋黑松露蛋黄酱，味道更浓郁。呢间餐厅冇时间限制，真系好方便！侍应仲好贴心咁话可以自行加热水饮。如果有一大班人聚会，预订呢度系一个明智嘅选择。