影片
更多
2012-06-03
28 浏览
教会细胞小组今日晌山顶𠮶边搞行山，小弟因事未能参与，不过之后嘅饭局，一定奉陪。故此，佢哋就叫我负责夜晚食饭一事，OK无问题㖞，食过八喜，有特色又唔贵，美心品牌又稳阵，湾仔又有分店，所以就成为今餐晚饭地点之选。约好6:30pm，小弟先去到攞位兼打点一切，时间尚早，人客未多。食乜佢哋都一早讲好由我发板，不过等吓等吓成7点多先到，原来山顶缆车超多人，改搭巴士直铲过嚟湾仔，但系都好唔得几多，一样有啲塞车。都无紧要，八喜好在无分时段，又唔使限几点交枱，所以我都睇吓杂志hea住等。八喜依个美心品牌，我都几钟意，因为价位相对其他美心中菜为低。佢以粤台风味为主，装修设计较摩登，一室洁白，配以深啡木枱，开放式厨房，供应各类特色冷盘、小菜、面点，而最欣赏系佢啲台式点心，有特色又有水准。虽然我哋一共5大1细加个两岁B，但当中有几位系好擦得之人，又想佢哋试多啲嘢，故此比平常叫得多嘢啲，等大家食得尽庆。先点一个冷盘开开胃，跟手仲有5款点心，主菜叫咗3个𩠌搭1 个饭，临尾组员E太仲话加多条蒸银丝卷，因为阿仔仔钟意，无问题㖞，最紧要食得开心。梅酒双脆 $32染到粉红嘅莲藕片，酸酸咪咪，酒味唔重，但好爽脆，不过何谓双
约好6:30pm，小弟先去到攞位兼打点一切，时间尚早，人客未多。食乜佢哋都一早讲好由我发板，不过等吓等吓成7点多先到，原来山顶缆车超多人，改搭巴士直铲过嚟湾仔，但系都好唔得几多，一样有啲塞车。都无紧要，八喜好在无分时段，又唔使限几点交枱，所以我都睇吓杂志hea住等。
八喜依个美心品牌，我都几钟意，因为价位相对其他美心中菜为低。佢以粤台风味为主，装修设计较摩登，一室洁白，配以深啡木枱，开放式厨房，供应各类特色冷盘、小菜、面点，而最欣赏系佢啲台式点心，有特色又有水准。
虽然我哋一共5大1细加个两岁B，但当中有几位系好擦得之人，又想佢哋试多啲嘢，故此比平常叫得多嘢啲，等大家食得尽庆。先点一个冷盘开开胃，跟手仲有5款点心，主菜叫咗3个𩠌搭1 个饭，临尾组员E太仲话加多条蒸银丝卷，因为阿仔仔钟意，无问题㖞，最紧要食得开心。梅酒双脆 $32
染到粉红嘅莲藕片，酸酸咪咪，酒味唔重，但好爽脆，不过何谓双脆，只系得藕片，另一脆系乜？就系大头菜，不过真系摷匀成碟都无，算啦，反正啲藕片真系好好食。碟面仲放有一粒浸酒嘅话梅，试咗少少话梅肉，又系好醒神，夹杂少少酒香，几得意呀。
灌汤小笼包 $30上次同太太试过，觉得好有水准，所以一定要介绍俾组员试吓，一叫就两笼但求人人有份试。结果都无令众人失望，依然系高水准，包内汤汁荡漾鲜甜，外皮又薄又软，馅肉松化有咬口。
台南胡椒饼 $30同样系安哥之选，一客两个，侍应细心帮我哋已经一开四，等大家都可以试少少。感受到新鲜即焗，因为咬落时热辣辣。免治牛肉馅，唔系完全搞烂，令你食到肉碎，兼且肉汁丰盈，肉中渗出胡椒香味，配上松脆嘅芝麻外皮，又系值得推介嘅点心。
肉燥蒸芋粿 $28依个又系小弟推介，好味在于芋粿做得缜密，芋头丝切得唔会太幼太削，又唔会太粗太掘，咬落松化唔易散；芋粿切成丁方，面头放上浓香肉燥，再加点葱粒，惹味得嚟又唔会抢走芋头嘅粉香。
台南肉碎手卷 $28晌度第一次试，记得晌高雄嘅澄清湖，都食过类似嘅嘢，不过叫蛋饼，内馅主要系蛋。而今次试到嘅手卷，外皮质感似薄身少少嘅热香饼咁，软软糯糯，而内里卷住猪肉碎同肉松，都几得意。
南瓜鲜肉煎包 $30一客有4个，外型好似生煎包咁，又系加咗少少肉松同葱晌面做装饰。顾名思义，就知包内系南瓜蓉同猪肉碎，味道一般，南瓜味唔突出。佢竟然系厨师推介嚟，真系有啲失望。
砂窝云吞津白 $68食咗好几款点心，嚟个砂窝云吞津白就正好喇，因为当系有啲汤水落肚。主材料当然系云吞同津白啦，但个汤绝对唔失礼，奶白嘅上汤好有肉香，仲加埋大大粒嘅虾干，又有粉丝。云吞唔算好大粒，但虾鲜爽甜，津白吸收晒上汤精华，食落好甜。
嘉义三杯鸡 $55本来想试吓有个推介嘅宜兰茶壶老酒鸡，不过要预订，唔订就睇吓厨房有无预多几客存货，可惜系无嘅。所以改叫嘉义三杯鸡，系一味煲仔菜，上枱时芳香扑鼻，主要系以酱油同酒嚟爆香啲鸡件，味道有少少辣；又加咗少少九层塔，非常惹味；鸡件亦唔错，称唔上好嫩滑，但入味肉质唔嚡。如果你唔系太怕油淋淋，煲底嘅酱汁用嚟捞饭相信无得弹！
左营夜市蚵仔砵 $50大大个仔砵，蛋浆满满之余，焗得一片金黄，卖相引人流晒口水。蛋浆之内，蚝仔唔少，虽然细细粒，但啖啖都有，而且算几鲜甜。
金瑶茄子炆饭 $55上次试过招牌嘅樱花虾炒饭，所以今次就转转口味，点咗个金瑶茄子炆饭，何谓炆饭？其实即系煮有味饭，又比烩饭干身啲，当然就比炒饭湿润好多。以瑶柱粒、茄子粒、冬菇粒同煮，粒粒材料偏少，虽然啲饭粒上晒色，但总觉得味道唔突出。
蒸银丝卷 $16虽然系一款大路点心，但只要你钟意食，佢都变咗系好嘢嚟。见阿仔仔点啲炼奶，食得滋味，普通嘢都顿时成为美食。事实上，条银丝卷又蒸得好松软，咬落又唔黏牙，不过相比起，我就偏向钟意炸银丝卷多啲，较为香口嘛，不过八喜系无供应嘅。
因为实在叫咗唔少嘢，可能有啲贪心咗，所以大家都非常之饱，甜品？下次有机会先试啦。另外白饭$12碗，茶位收$8，加埋泡菜$12（以四人一碟为基础），收埋加一，食咗咁多嘢，埋单都系$605，只计大人，每人都系百二大洋，大家都认为系好划算嘅一餐！
张贴
