浪人日本料理 (已結業)

6月系我生日月，遇上疫情暂缓，限聚令也放宽，嚟开铜锣湾就过嚟试吓呢间非大字牌嘅放题啦。上网已经知道呢度比平时嘅放题坐得舒服阔落，虽然系父亲节前夕但照样可以安排到4人卡位比我同老公坐，非常赞，员工有礼，收碟快。刺身，寿司，烧物，前菜，汤品，水果，甜品，酒类，饮品系自助餐形式嘅，刺身方面除咗北寄贝又un又无味之外，其余样样野对办，推介帆立贝同甜虾。坐到中段发现有海胆寿司，而且唔孤寒架。而烧物系即场烧，同场食客都钟情羊架，但我觉得烧得太熟了，烧菠萝，海虾烧得唔错，但海虾系雪虾肉质有点霉，另外，天妇罗系即炸，好味。鱼头面豉汤好油，无鲜味仲有d腥味，唔推荐。甜品同样麻麻，焦糖炖蛋叫做好d，同埋无雪糕食嘅。生日月份9折优惠，每位$358， 虽然比中环碗x平，但食物质素略有不及啰，完！