影片
更多
2022-09-13
131 浏览
今日去太古揾朋友，同朋友嚟咗呢间叫幸福鸟嘅日本餐厅食。见佢晚市时间差唔多都满座，应该都几好食。烧鸡泡鱼干 ($68)有惊喜，朋友钟意食鸡泡鱼干，本来都谂住鸡泡鱼干系会比较干身同硬，但系呢个鸡泡鱼干烧得唔会太干，口感适中。点埋沙律酱食好滋味。叫咗个刺身拼盘食 ($318)有三文鱼、吞拿鱼、油甘鱼、赤虾、带子整体来讲新鲜肥美😋豆腐（$38）炸豆腐外面微脆内滑，上面落左啲葱花同埋木鱼丝。幸福鸟免治软骨鸡肉 ($68)我哋拣咗盐烧同埋汁烧，点埋日本生蛋食。咬落有少少软骨嘅碎粒粒，加埋鸡肉，口感方面几有唔同层次。另外仲有芝士同埋激辛两款口味。牛舌 ($88)牛舌烧到啱啱好，唔会太硬，厚薄适中，入口有油香，但感觉唔会太肥腻。乌冬欣赏佢个汤清清地，乌冬系煮得啱啱好嘅软硬度。汁烧原条九州枪鱿鱼 ($158)原条九州鱿鱼摆上台，感觉好吸引。以前食过烧鱿鱼系好硬身或者鱿鱼本身嘅肉质系好硬，但系呢个烧鱿鱼嘅肉质依然保持鲜嫩，趁热食嘅话仲有超香嘅鱿鱼风味。蒜香粟米($58)粟米睇落平平无奇，但系佢嘅甜度都几高，有带点炭烧同埋牛油嘅香味。牛肉寿喜烧锅 ($188)利用酱油做汤汁，入面加咗唔同嘅蔬菜好似系豆腐、蒟
烧鸡泡鱼干 ($68)
有惊喜，朋友钟意食鸡泡鱼干，本来都谂住鸡泡鱼干系会比较干身同硬，但系呢个鸡泡鱼干烧得唔会太干，口感适中。点埋沙律酱食好滋味。
叫咗个刺身拼盘食 ($318)
有三文鱼、吞拿鱼、油甘鱼、赤虾、带子
整体来讲新鲜肥美😋
豆腐（$38）
炸豆腐外面微脆内滑，上面落左啲葱花同埋木鱼丝。
幸福鸟免治软骨鸡肉 ($68)
我哋拣咗盐烧同埋汁烧，点埋日本生蛋食。咬落有少少软骨嘅碎粒粒，加埋鸡肉，口感方面几有唔同层次。另外仲有芝士同埋激辛两款口味。
牛舌 ($88)
牛舌烧到啱啱好，唔会太硬，厚薄适中，入口有油香，但感觉唔会太肥腻。
乌冬
欣赏佢个汤清清地，乌冬系煮得啱啱好嘅软硬度。
汁烧原条九州枪鱿鱼 ($158)
原条九州鱿鱼摆上台，感觉好吸引。以前食过烧鱿鱼系好硬身或者鱿鱼本身嘅肉质系好硬，
但系呢个烧鱿鱼嘅肉质依然保持鲜嫩，趁热食嘅话仲有超香嘅鱿鱼风味。
蒜香粟米($58)
粟米睇落平平无奇，但系佢嘅甜度都几高，有带点炭烧同埋牛油嘅香味。
牛肉寿喜烧锅 ($188)
利用酱油做汤汁，入面加咗唔同嘅蔬菜好似系豆腐、蒟蒻丝、冬菇、椰菜等嘅材料，见到佢嘅蔬菜都切得靓靓哋几有心思。加上薄片嘅肥牛，食得好满足，口味亦都唔太咸。可以再另外点生蛋食。
幸福烧鸡 ($188)
烧鸡真系整到外脆内滑，即使系放咗一阵先食，外面个皮依然系脆嘅，而且入边嘅鸡肉系嫩滑多汁。
冲绳菠萝（$38）
口感几嫩冇渣，鲜甜，为晚餐作结。
另外值得一提嘅系，侍应嘅态度服务良好，食得开心。
张贴
