傳心廚意

营业中

休息中

今日约左fd去D2行街，行到夜晚肚饿，去到一楼见到间有得打golf既餐厅几得意咁，加上餐牌d野食都几吸引就入左去。餐厅环境唔错，侧边有水吧， 啱晒几个fd食饭吹水同饮酒。前菜系一份有三文鱼同海胆既海鲜渍，酸酸甜甜，几开胃，食材又新鲜。我地4个人，叫左主菜有羊，猪，鱼，全部都好好食。我本身唔系好食羊都食左个羊架，唔会话好骚，中意食羊既朋友都话好食。猪就啖啖肉，咬落口会食到油香味好重，系黑毛猪鞍黎既。鱼就系白鳕鱼柳，个鱼皮煎到好香口，仲有白汁可以点。值得一提既系，佢d配菜都好好食，尤其个薯蓉系出面好少会食到，有一粒粒既口感。到最后既甜品系柠檬挞，食完肉，有d济，食番个柠檬挞中和下，如果觉得酸仲可以点朱古力酱食添。总括黎讲，平均一个人500几蚊，食到餐好味又好饱既晚餐，性价比高，有机会会再黎试下其他菜式。