八妹雞煲

营业中

休息中

呢排冻返啲 食鸡煲真系好啱两个人煲吓煲吓 个场坐得又舒服好啱吹水！个鸡煲基本上一叫即上 热辣辣 即刻有得食我哋叫小辣 唔算辣㖞！我觉得食得辣嘅人可以唔使咁保守挑战高啲辣度😎😎😎成只鸡都好嫩滑 好多肉食！我哋两个女仔😂眼阔肚窄系叫咗一只鸡呀🤣食完都饱咗一半！值得一赞嘅系……姐姐同我哋先落鸡煲单我哋食到咁上下 再叫打边炉嘅嘢😄咁就唔怕叫多咗食唔晒🥰 呢一点真系好好！啱晒我哋两个女仔🤗本身叫鸡煲嘅时候就已经配埋一个鸡汤汤底如果想食啲特别口味 就可以另外再加钱食😙我哋见到墙上写今日有墨鱼须！ 可以打边炉食 （不在menu以内）！🤩平时喺其他地方都好少有！咁梗系即刻叫喇😄真系冇令我失望！！墨鱼须好爽滑食得好过瘾！另外我哋再叫咗即炸响铃、八妹拼盘同埋猪腩肉！全部都满意㖞🤩响铃应该系八妹自制上嘅时候仲系热辣辣 好脆卜卜😋八抺拼盘就有好多唔同嘅菜同菇好啱有选择困难嘅我😛仲有猪腩肉呀…！好有猪肉味🤣 绝对唔系雪咗好耐𠮶啲冇味肉！仲有仲有… 我同朋友都觉得八妹个辣椒酱好啱胃口😍又香辣又甜甜地 好易入口咁整体来讲一餐都好满意😋😋😋