C1 Café Bistro (已結業)

之前都有食过呢间，今日晏昼咁啱嚟到佐敦，喺门口见到原来个餐牌原来有Brunch食，就入咗嚟试吓。本身都未食早餐，所以就叫咗个羊柳意粉配秘制酱汁食，再加多个杂莓乳酪。羊柳意粉食落有少少辣，但都几开胃，啲菇同埋羊柳嘅份量都好足够，唔会话意粉多但肉好少。其实又唔算好辣，相信唔食得辣嘅都可以一试。个酱食落有少少中式味，问一问个职员其实系咩酱，原来碟意粉系用腐乳去炒，估唔到又几夹。杯杂莓乳酪唔错，果味几浓，物有所值。但食呢个少少辣嘅意粉需要用一杯比较滑嘅嘢饮去中和吓，因为乳酪有啲涩，所以整体食落去尚算可以，如果换杯普通野饮可能整体会更好味同更开胃。