烤魚世家雞煲火鍋

营业中

休息中

烤鱼食过唔少，大部份都系青江鱼、江团鱼，呢间有埋龙趸同桂花鱼🤤吸引左我哋黎试。除咗烤鱼仲有鸡煲，虾蟹煲都好吸引。一坐低侍应会帮手用热水洗餐具💯赞赞赞。之后就用QR code落单，唔洗谂拣左龙趸先。蒜香味只有微微辣，味道整得啱啱好，唔会好咸冚咗龙趸嘅鲜味，仲有得拣多荽茜。龙趸超厚肉🥹鱼肉白雪雪，其实三个人食都够。鱼鳍鱼尾鱼头呢啲重胶质嘅部位索左汁好惹味。食完条鱼都饱左七成，我哋仲叫左薯粉，虾卷同紫菜响铃卷，响铃需要渌耐少少，紫菜稔左仲好食😋呢到连饮品都系劲大杯，两个人饮一杯都够晒。