鮨一魂 (已結業)

暂时仲未返到乡下，就约朋友去食omakase一解对日本美食嘅相思之苦！.酱油渍赤身配以酸甜清香嘅柚子皮嚟提鲜，嫩滑而甘甜。毛蟹肉质饱满而鲜嫩，鲜味无穷。喉黑啫系赤鯥， 鱼皮滑溜，肉质鲜甜，油脂丰富，轻轻火炙表面逼出鱼油，入口满口鱼香。大吞拿鱼腩好肥美，布满精致嘅鱼油花纹，入口即溶，充满油香。圆筒形拖罗卷每一啖都可以食到馅料，仲可以由头食到尾，啖啖都系鱼脂浓香，好满足！粒贝肉质幼嫩爽脆，有咬口，味道清甜。师傅直接将海胆放喺客人手背，目的系确保唔会用餐具去破坏海胆本身嘅原味道，入口甘香鲜甜。