牛站(駅)麻辣火鍋放題

营业中

休息中

今晚喺尖沙咀牛駅食火锅放题, 地方宽敞, 卡位又多。可能天气冻冻地, 特别多人打边炉。二维码点餐, 方便快捷, 多款火锅汤底以供选择, 食物款式多, 性价比都几高。点咗胡椒猪肚汤底, 清香惹味。食火锅牛肉当然唔少得, 美国极黑和牛和美国安格斯牛板腱系我嘅喜好, 新鲜肥美有牛味, 热灼2至5秒就食得, 咁正嘅牛肉, 自然要食多几转。鲜虾云吞, 皮薄虾肉爽脆。牛丸, 贡丸够弹牙, 饺子都很足料, 蔬菜款多又新鲜, 粟米, 萝卜, 娃娃菜, 冰菜, 南瓜等, 尤其豆苗, 配胡椒汤底零舍鲜甜。麻辣小龙虾惹味又多肉鲜甜, 最正就信有任食红烧乳鸽皮脆肉嫰, 好食到唔停得口。炸鱼皮香脆可口, 喺热汤渌几吓, 又系另一番滋味。黑糖糍粑热辣辣, 脆香软糯, 甜度啱啱好。还有多款雪糕雪条和汽水饮品, 真系食得尽兴。