影片
更多
2021-08-09
165 浏览
餐厅：Labels Cafe + Bar (荃湾)地址：荃湾白田坝街45号南丰纱厂3楼305-306号舖星期日同朋友带咗狗仔布甸哥去南丰纱厂行街，6点几布甸哥话肚饿，所以揾咗一间animal friendly嘅餐厅食晚饭，见到佢哋有竉物餐牌🐕，又有Dinner set，餐厅环境仲要非常吸引🤩，所以我哋二话不说就决定入去食个晚饭🍽呢间Labels Cafe + Bar喺从本地时装设计品牌 Harrison Wong拎灵感，用时装为主要概念😎，打造咗呢间充满时尚感、采用黑白云石纹装饰为主嘅Cafe，无论环境、餐牌定食物都见到运用咗黑白两种对比色去设计⚫️⚪️，劲有art sense👨🏻🎤叫咗个chicken and seafood doggie high tea set($138)比布甸哥，又有鸡片又有青口，仲有多春鱼、鳕鱼🐟、菠菜鸭肉批等，先唔好讲布甸哥食到停唔到口🐶，我见到同闻到都流晒口水啦🤣我同朋友就叫咗个dinner set menu，$398再加一就有3-courses可以品尝😋，先嚟嘅喺沙律🥗，之后可以拣两款主食、两款甜品🍰、同两杯$44以下嘅饮品，如果以餐牌上百几蚊一个主食、几
地址：荃湾白田坝街45号南丰纱厂3楼305-306号舖
星期日同朋友带咗狗仔布甸哥去南丰纱厂行街，6点几布甸哥话肚饿，所以揾咗一间animal friendly嘅餐厅食晚饭，见到佢哋有竉物餐牌🐕，又有Dinner set，餐厅环境仲要非常吸引🤩，所以我哋二话不说就决定入去食个晚饭🍽
呢间Labels Cafe + Bar喺从本地时装设计品牌 Harrison Wong拎灵感，用时装为主要概念😎，打造咗呢间充满时尚感、采用黑白云石纹装饰为主嘅Cafe，无论环境、餐牌定食物都见到运用咗黑白两种对比色去设计⚫️⚪️，劲有art sense👨🏻🎤
叫咗个chicken and seafood doggie high tea set($138)比布甸哥，又有鸡片又有青口，仲有多春鱼、鳕鱼🐟、菠菜鸭肉批等，
先唔好讲布甸哥食到停唔到口🐶，我见到同闻到都流晒口水啦🤣我同朋友就叫咗个dinner set menu，$398再加一就有3-courses可以品尝😋，
先嚟嘅喺沙律🥗，之后可以拣两款主食、两款甜品🍰、同两杯$44以下嘅饮品，如果以餐牌上百几蚊一个主食、几十蚊一个甜品嚟计，两个人叫呢个set都算几抵👥
✝️焗烤芝士忌廉黑松露贝壳面
爆多芝士、又玩到拉丝嘅贝壳面😆，食落creamy又有阵阵黑松露香，而最重要紧喺焗烤完之后痴喺个兜边边嘅㶶底，就好似煲仔饭嘅饭焦咁，食落芝香味浓仲脆卜卜，加上一粒粒贝壳面好易入口，唔觉唔觉就食晒成兜😂
✝️菠菜芝士意大利云吞
一份有六只，每只云吞切开都有满满嘅菠菜、罗勒同芝士整成嘅蓉，扁扁嘅意大利云吞呈圆形，锯齿形状围绕喺外边；芝士用咗Ricotta cheese🧀，食落绵绵密密，有细微嘅颗粒口感；最后用蕃茄汁做衬托，酸酸甜甜几开胃好食😌
✝️香梨挞
欣赏佢嘅香梨挞系用咗成旧甜梨去整🍐，食落牛油饼底松脆，入口唔甜又唔腻，甜度掌握得几好👍，卖相仲要好靓，
用咗金色食用粉喺碟上扫咗一扫，亦有水果做衬托🫐
✝️布朗尼蛋糕配棉花糖云
成晚最surprise紧喺呢个棉花糖云啦☁️，劲耐无食过棉花糖，仲要大到成个榄球咁嘅size🏈，
将朱古力酱淋上棉花糖嘅中心，慢慢见到入面嘅brownie同士多啤梨🍓，brownie食落厚实又唔会太硬，重点喺用咗dark chocolate甜度唔高，相信一个人食晒成份都唔难🤤
饮品方面我哋加$14分别要咗杯红提乳酪梳打特饮同晨曦蜜桃乳酪特饮🍹，两杯都喺用新鲜水果去整非常吸睛😍，打卡一流📸，饮落唔会好甜，以鲜果香为主，饮完仲可以食埋啲红提子🍇/蜜桃🍑
张贴
