韓舍 (已結業)

一定要订枱，因为我地企响门口等人齐时不断见到walk-in果d要等到9点后先有位，仲要只系平日，假期一定更加要订枱。香港地而家食饭要订枱是常识吧！我地一共7大2小1BB，餐厅安排左左右两张枱俾我地，十分阔落，坐得好舒服而本身间餐厅都唔系将在场排到密密麻麻，行步路都要打侧身果D，呢点确系抵赞。食物方面，肉类选择都算多，但味道全部差唔多，系偏甜的，但我觉得几好。成晚烧得最多系牛仔骨，其次系牛柳粒，鸡翼系大大只，羊扒就被评为唔好食，仲有菇类，大大片鸡脾菇，烧完系好好味。冷盘有虾，青口同螺，亦有刺身同寿司，算系唔错。热盘亦有好多，多数系炸物，炸春卷、炸鱼柳、炸鱼饼之类，仲有炒饭，算系几多选择。到甜品款式，拍得住唔少酒店（当然唔系话5星级水准果d啦），但好多款都好好食，特别推介相入面细细粒既朱古力，好味有小朋友最开心见到既绵花糖机，爆谷机，仲有个类似朱古力喷泉不过系用d白色物体，唔知系奶定白朱古力，仲有部整雪条机？！第一次见最后，仲有雪糕食，真系大满足。最后提提饮品系要加钱，全枱位位20就汽水任饮，想饮啤酒就加40。