台北倆伴

营业中

休息中

台北俩伴今次要介绍围方商场入面一间台湾菜餐厅叫「台北俩伴」，呢间餐厅年下午茶都爆哂场，我都要等差唔多半粒钟先入到去，因为入面好逼，只有最尾一张枱先适合轮椅人士坐，有人排队自然有好野食，呢间餐厅都值得等半粒钟！入到呢间餐厅装修以木系风格作主色，挂咗好多雀鸟装饰品，墙上亦贴上咗雀鸟墙纸，感觉都几舒服，只系枱与枱之间比较迫，其他都好ok！1.麻辣海鲜锅 配王子面（大辣）$158（8/10）呢个麻辣海鲜锅叫咗大辣，店员再三强调呢度大辣系好辣，我唔信继续坚持叫大辣，结果狂饮水！不过呢个海鲜锅入面食材相当丰富，入面有2只大虾、2件鸭血、2粒鹌鹑蛋、芋头贡丸、福州鱼蛋、2件米血糕、1旧冬菇、2只蛋饺、津白、金菇、甜不辣、蟹盖、沙白、青口、鸡件同榨菜，再配埋有少少咸王子面，食得辣嘅你可以试下大辣！ 2.花雕鸡卷麻辣拌面（小辣）配紫菜贡丸汤及地瓜酥$56（9.5/10）花雕鸡卷有少少花雕酒味，鸡肉嫩滑，麻辣拌面叫咗小辣仍然好辣，我觉得等于出面中辣，紫菜汤入面有贡丸粒，仲有2条地瓜苏，炸得好脆，番薯味好出，唔会好甜！3.士林盐酥鸡$48（8.5/10）呢个盐酥鸡炸得好酥脆，不过有少少咸，一共有8旧盐酥鸡！