極上龍吟海鮮丼專門店 (已結業)

香港人就係鍾意食日本菜，今日就去到太子試下依間個名好有霸氣的極上龍吟海鮮丼專門店。門口已經見到各式各樣大大個的餐牌，餐廳的地方唔大，但都坐滿哂人。店員遞上餐牌，我就揀晚巿定食套餐 ($69/set)，朋友就揀左D壽司。我最終揀左鯖魚飯。等飯時，店員送上熱騰騰的麵鼓湯，湯清清地帶點咸味，還不錯。鯖魚飯送上，一條好肥美的鯖魚，再配上又熱又大碗的飯。鯖魚魚皮好香口，肉質滑，點上檸檬汁，鮮魚味更出。依個價錢算抵食又飽肚。朋友點的壽司賣相都唔錯，下次再試下先。