極上龍吟海鮮丼專門店 (已結業)

到了旺角 去了這間餐廳食晚餐到了這個時間肚子餓了這間餐廳的名字有點特別點了幾個東西3個人食份量也算多的 食到很飽價錢中特價錢吧味道一般般 不過下午茶很便宜湯有點兒咸呢 不過是送的haha食到飽飽 再去行街街😎

今日係太子食Lunch，有間叫極上嘅日本餐廳。外表望落幾靚，但都無用，入面嘅員工（仲有一位啊叔應該係老闆）態度其差，將一切都變差。叫個魚生飯，本應快快手手嘅餐，等左超過半小時。魚生唔新鮮都算，Lunch 50蚊貨仔都唔期望太多，但等咁耐先上嘅魚生飯真係唔明佢個廚房搞乜。如果多人都算，但都係半滿多少少人，搞乜咁耐？一點入去，1:45先到齊。果杯餐飲仲誇張，1:55先到。我以為我係個別例子，點知前後幾張枱（重申，果陣得返4張枱有人）都無野飲。同啲員工講，仲話返啲客無落單。同佢講轉外賣杯，等我地拎走（Lunch時間完啦大佬），佢竟然話無杯。一開始見佢外賣俾人果啲餐，唔通果啲杯係幻覺？唔新鮮嘅魚生，配普通嘅飯，只能得出低分嘅食評。加埋態度其差嘅員工，劣評，咁嘅服務收加一，真係無野好講。食餐飯，成肚氣，唔值。大家小心。

味道：名就叫魚生飯專門店，但啲飯仲難食過爭鮮服務：十問九唔應，野食上左都唔上餐具衛生：餐具全部有水，好似岩岩係廚房未抹過就拎出黎咁。價錢：正常偏平我明白一分錢一分貨但$140蚊碗嘅魚生飯仲衰過爭鮮先得架

呢餐好滿足，海膽三文魚飯真係好好味👍🏻👍🏻👍🏻海膽唔腥，鮮甜美味，幾creamy，有d似蛋黃醬嘅感覺，撈飯食一流🥰三文魚肉質細嫩，入口香軟。我覺得佢嘅芥茉同埋豉油都有特別嘅味道，我加左落去撈飯食，而每一啖都加一片三文魚或者海膽，好食到停唔到口😭😭唔捨得食完啊！佢杯茶都好好味，飲完暖笠笠，同個海膽三文魚飯好夾！另外，仲配埋餐飲，呢間餐廳好搞笑，竟然有啲港式嘅嘢飲🤣🤣🤣佢嘅咖啡同埋奶茶都唔係用粉沖嘅😋本身我飲奶茶係唔會落糖嘅，但呢杯奶茶比較澀，我落咗半包糖，味道都幾好😝$87蚊咋（78$加一），超抵食🥳🥳🥳

如果唔太過份，我一般都偏向讚多過彈，但今次我真係要彈佢鐘！做完嘢三點幾行經呢度，見仲有得食就也快脆脆啦！我見到嘅幻象係以下咁樣嘅。。。三文魚海膽爆丼飯$79！當然，$79蚊我唔會幻想到冧到座山咁，但嘅然呢張相係食店自拍而唔係用stock photo,我覺得點都有返7成水準啩。。。但嚟到嘅時候係。。。以下咁嘅樣。。4片薄落嘅三文魚，8片小小嘅海膽。。。三文魚虛而薄。。。海膽係貴價食材少啲都可以理解，但三文魚真係連爭鮮買嘅都厚過佢，店舖用“極上”、“水產”、“爆丼”呢啲字眼，真係踩緊商品說明條例嘅界線喎。。另外，話就話包嘢飲，但就無人理我咯。。最後埋單係。。。加埋一係$87,無下次啦吓哇！

之前經過西洋菜南街，發現都有好多唔同既餐廳，今日終於有機會嚟試下啦。天氣咁凍，一入到去職員就比左餐牌同熱荼，即刻暖一暖呢~而呢種天氣最岩就飲返暖笠笠既柚子蜜，同日本野食都好夾呀~平時食手卷，多數都會食軟殼蟹手卷啦，今次見到餐牌都有好多唔同選擇，就試下海膽拼帶子手卷，本身鐘意食帶子又想食下海膽，一次滿足曬兩個願望!因為太肚餓啦，所以再叫左份極上特盛天盤同三文魚蟹籽帆立貝丼，天婦羅熱辣辣又唔會太油膩，正呀!!而丼飯份量都幾大碗，呢餐好滿足呀~

今日放工同家姐一齊去旺角行街，行到咁上下，緊係要搵嘢食醫肚喇～今晚嚟到太子食日本野啦﹗第一次嚟食野，鋪頭唔算大，不過枱同枱之間都有空間，唔會覺得好迫，岩曬傾計坐下。睇完餐牌之後，就快快手寫低食物號碼落單等上菜啦﹗今次我哋叫左芝士年糕($35)同牛油炒金菇($42)當前菜，芝士年糕軟棉棉好正呀﹗而金菇一送到嚟，已經聞到好香既牛油味。食日本嘢，點可以唔叫壽司同手卷，我哋分別叫左海膽拼帶子手卷($35)同海膽拼三文魚手卷($35)，呢度仲有我最愛既芥末八爪魚($9)，辣得嚟又爽口，最後我哋再追加多兩件㖭﹗主菜就嗌左三文魚蟹籽帆立貝丼($119)，份量都唔細呀，魚生夠晒新鮮，份量啱啱好！兩個人share食，咁先可以嗌多幾件壽司食🥳🥳﹗

係西洋菜南街，始創中心斜對面有間抵食既日式料理小店，由太子站B出口行黎都係幾分鐘路程，地點方便易去。話明係小店，地方就梗係唔大啦，裝修簡約，座位亦都比較狹窄，但係環境乾淨企理。Menu唔好以為鋪頭的式就冇咩野食揀，呢度有成過百款日式美食提供，有刺身、壽司、丼丼、燒物、炸物，和風料理等等...當中最吸引當然係d抵食套餐啦，茶餐廳咁既價錢（$49起）日式棒棒餃子$25呢碟餃子每一隻都脹卜卜，餡料十足，食落外脆內軟，香口好味地獄海膽炒烏冬$138呢個係極上晚市套餐，仲包埋個三文魚湯。食落超惹味，仲辣得好過癮，烏冬爽口彈牙，海膽份量唔多，不過夠新鮮清甜，入口半溶，夾落個香辣烏冬度，仲有d中和作用tim

今天放假也要出來旺角處理點事情 處理完之後已夜幕低垂 是時候找地方吃晚飯 經過西洋菜南街被這間餐廳的門面吸引了對比其他餐廳 金底黑字的招牌和日本風的裝修非常搶眼 門外還貼滿菜單菜單很厚很大本 由刺身 壽司 丼飯到串燒 炸物 和風料理都有 種類非常齊全大部分丼飯都有三文魚 但個人不怎麼好生三文魚 所以點了帆立貝赤蝦盛丼帆立貝厚肉鮮甜 而且有很多片赤蝦很大隻 處理乾淨 沒有內臟 蝦頭還有一點膏然後又點了最愛的玉子燒 質感厚實 味道甜甜的 讚還點了個左口魚邊手卷 灸燒後魚油浸進飯裡 油脂香更出

剛在附近有位泊車,和老婆買完ㄧD寵物用品,想食日本菜,上網見最近是這間就試試吧(下次唔會貪就腳了😓)正值晚市時間,客人不多,樓面只有ㄧ人,另外ㄧ個疑似老闆,不停在講電話,所以係冇乜招呼既,但佢地有加ㄧ服務費呀,不過在香港土生土長既我和老婆都已經習慣晒,ㄧ坐下看看餐牌,老婆想乜都食D,我就立即制止,經驗告訴我先叫小小,好味才加單(真係有用😁) 叫左個雜錦龍吟豐盛丼,個名真勁,價錢就$229,都唔係便宜呀,仲有ㄧ串雞軟骨,ㄧ串雞皮。先黎過豐盛丼,個賣相就相當ㄧ般,食落不過不失啦,但係食到中途,食到有兩塊魚生居然係臭既唔新鮮但個價錢$229,我ok既,無招呼有加ㄧ服務費,我ok既,但係臭就真係唔得,好在ㄧ碗魚生飯只有兩片是臭的,雞皮&雞軟骨就冇味道,不過兩串價錢好便宜,唔好食係正常既經驗又ㄧ次幫到我唔駛中大伏,中個小伏,埋單$274。唔係好明點解有D好評D相影得咁靚,真係要學習學習

星期四收工時間尚早，經過這家極上龍吟水產，被名字吸引了進來。店內位置不多，我想下次來最好先訂位。不過店鋪雖少但原來餐牌食物都好整全。不過今日太餓既關係，全都點了飽肚既野食，刺身串燒，留待下次再試。先來了滑蛋豬扒飯，份量足，滑蛋加上醬汁很好送飯，豬扒都炸得很香脆。另外點了這客極上太極卷，料足，賣相不錯。最後還有這幾款壽司，油甘魚壽司，海膽炙燒三文壽司及松露炙燒左口魚邊壽司，魚生全都很新鮮，中。還有很多想試，找機會再來吧。

旺角交通方便，食肆林立，今晚放工同朋友來到呢間「極上龍吟海鮮丼專門店」食我至愛的日本野。一入到去，覺得地方很潔淨很舒服！燒汁鰻魚飯：可見到鰻魚有烤到醬汁有光澤的樣子，鰻魚又沒有細骨，加上飯淋上充滿醬油而濃甜的鰻魚汁，很美味可口！金菇牛肉卷： 很簿的牛肉包著金菇，配上很濃甜的燒汁，味道不鹹不甜，味道剛剛好，仍能品嚐到保留牛肉的肉汁！三文魚刺身五片： 三文魚每片也很厚，很新鮮既刺身！總括來說，這間的確是一間不錯的日本料理餐廳，食物又多種類選擇，價錢也合理！

今日同朋友去左金魚街行下，之後去附近醫肚！見到依間寫住「極上龍吟水產」，單看名字就被吸引了！起初以為只有丼飯，但細看餐牌，原來仲有好多其他選擇！而我最後選擇左炸雞軟骨粒、霜降一口牛、日式炒溫室磨菇、汁燒魷魚筒及鹽燒三文魚頭鮫！先黎炸雞軟骨粒，好香脆，配埋檬檬汁，一流！霜降一口牛，好有牛味，唔會太咸，生熟程度亦剛剛好，加上熱辣辣，令我忍唔住一粒接一粒！日式炒溫室磨菇，估唔到有那麼大碟，而且好夠味，又唔會乾！汁燒魷魚筒，原隻魷魚，配上燒汁，入味又唔乾！最後是燒三文魚頭鮫，燒得好香，好惹味，唔會太咸，啖啖都有三文魚香味，正！

香港人就係鍾意食日本菜，今日就去到太子試下依間個名好有霸氣的極上龍吟海鮮丼專門店。門口已經見到各式各樣大大個的餐牌，餐廳的地方唔大，但都坐滿哂人。店員遞上餐牌，我就揀晚巿定食套餐 ($69/set)，朋友就揀左D壽司。我最終揀左鯖魚飯。等飯時，店員送上熱騰騰的麵鼓湯，湯清清地帶點咸味，還不錯。鯖魚飯送上，一條好肥美的鯖魚，再配上又熱又大碗的飯。鯖魚魚皮好香口，肉質滑，點上檸檬汁，鮮魚味更出。依個價錢算抵食又飽肚。朋友點的壽司賣相都唔錯，下次再試下先。

同老婆行完，係太子搵野食，見到有間壽司鋪，就入左去試下。我地去到果陣都差唔多10點鐘了，所以鋪頭入面基本上無乜人。老闆既服務態度好好，好有心、好熱情。因為老婆唔太肚餓，得我一個人食。所以我只係叫左咖哩雞扒飯同三文魚刺生。老闆免運送左2罐汽水比我地飲，仲有我個咖哩雞扒飯本身得一個餐湯，佢都比左2個湯我地。三文魚湯好足料，好好飲，細細碗湯已經有成3、4舊魚。只係略厭太多骨😅😅咖哩雞扒飯d飯好大碗，咖哩汁無撈埋落飯到，非常好👍🏾，可以自己睇下落幾多汁。雞扒雖然咖算大塊，但表面煎得好香脆可口。而咖哩汁係甜既咖哩汁來的，所以咖食辣既人都可以試下，😃